ଇନଷ୍ଟାଗ୍ରାମ ପାଇଁ ଚର୍ଚ୍ଚାରେ ଉର୍ଫି

ସବୁବେଳେ ଚର୍ଚ୍ଚାରେ ରହୁଥିବା ଉର୍ଫି ଜାଭେଦ ଏବେ ପୁଣିଥରେ ଚର୍ଚ୍ଚାରେ । ହେଲେ ଏଥର କୌଣସି ଡ୍ରେସ କିମ୍ବା ବୟାନ ପାଇଁ ନୁହେଁ, ବରଂ ଇନଷ୍ଟାଗ୍ରାମ ପାଇଁ ଚର୍ଚ୍ଚାରେ । ଉର୍ଫି ଜାଭେଦଙ୍କ ଇନଷ୍ଟାଗ୍ରାମ ଆକାଉଣ୍ଟ ସସ୍‌ପେଣ୍ଡ ହୋଇଛି । ଅଭିନେତ୍ରୀ ଜଣକ ସ୍କ୍ରିନ ସର୍ଟ ସୋସିଆଲ ମିଡିଆରେ ସେୟାର କରିଛନ୍ତି । ଯାହା ଏବେ ଭାଇରଲ ହେବାରେ ଲାଗିଛି ।ଉର୍ଫି ନିଜେ ମେସେଜ ସ୍କ୍ରିନସର୍ଟ ସେୟାର କରିଛନ୍ତି, ଯେଉଁଥିରେ ଆକାଉଣ୍ଟ ସସ୍‌ପେଣ୍ଡ ହୋଇଥିବା ଜଣାପଡିଛି । କିନ୍ତୁ ଏହାପରେ ଉର୍ଫି ନିକ ଆକାଉଣ୍ଟକୁ ରିକଭର କରିସାରିଛନ୍ତି । ଏହି ସ୍କ୍ରିନ ସର୍ଟରେ ମେଟା ତରଫରୁ ଅନେକ କଥା ଲେଖାଥିବା ଦେଖିବାକୁ ମିଳିଛି । ସ୍କ୍ରିନସର୍ଟରେ କୁହାଯାଇଛି, କମ୍ୟୁନିଟି ଗାଇଡଲାଇନ୍ସ ନ ମାନିବା ଯୋଗୁଁ ଇନଷ୍ଟାଗ୍ରାମ ସସପେଣ୍ଡ ହୋଇଛି ।