ଆକ୍ସନରେ ଭରପୁର ଏକ ନୂଆ ପ୍ରୋଜେକ୍ଟ ନେଇ ଆସୁଛନ୍ତି ସନି ଦେଓଲ
ସନି ଦେଓଲଙ୍କ ପ୍ରଶଂସକଙ୍କ ପାଇଁ ଖୁସି ଖବର। ଆକ୍ସନରେ ଭରପୁର ଏକ ନୂଆ ପ୍ରୋଜେକ୍ଟ ନେଇ ଆସୁଛନ୍ତି ଅଭିନେତା। ଦକ୍ଷିଣ ଭାରତୀୟ ନିର୍ଦେଶକ ଗୋପୀଚନ୍ଦ ସନି ଦେଓଲଙ୍କ ସହ ଏକ ବଡ଼ ଆକ୍ସନ ଚଳଚ୍ଚିତ୍ର ନିର୍ମାଣ କରୁଛନ୍ତି। ଫିଲ୍ମର ପ୍ରଥମ ପୋଷ୍ଟର ସାମ୍ନାକୁ ଆସିଛି। ଏହାର ନାମ ଅସ୍ଥାୟୀ ଭାବେ ‘ଏସଡିଜିଏମ’ ରଖାଯାଇଛି। ଖୁବଶୀଘ୍ର ଚଳଚ୍ଚିତ୍ରର ଶୁଟିଂ ଆରମ୍ଭ ହେବ।ଲୋକପ୍ରିୟ ଦକ୍ଷିଣ ଭାରତୀୟ ଚଳଚ୍ଚିତ୍ର ‘ବୀରା ସିହ୍ମା ରେଡ୍ଡୀ’ର ସଫଳତା ପରେ ଟଲିଉଡ ନିର୍ଦ୍ଦେଶକ ଗୋପୀଚନ୍ଦ ମାଲିନେନୀ ରବି ତେଜାଙ୍କ ସହ ଏକ ଫିଲ୍ମ ଘୋଷଣା କରିଥିଲେ, ଯାହାକି କିଛି କାରଣରୁ ବନ୍ଦ ହୋଇଯାଇଥିଲା। ଏବେ ନିର୍ଦେଶକ ଏକ ରୋମାଞ୍ଚକର ଘୋଷଣା କରିଛନ୍ତି। ଲୋକପ୍ରିୟ ବଲିଉଡ ଅଭିନେତା ସନି ଦେଓଲଙ୍କ ସହ ସେ ଏକ ନୂଆ ଆକ୍ସନ୍ ପ୍ୟାକ୍ ଚଳଚ୍ଚିତ୍ର ନେଇ ଆସୁଛନ୍ତି। ମାଇଥ୍ରୀ ମୁଭି ସାମାଜିକ ଗଣମାଧ୍ୟମରେ ପୋଷ୍ଟର ଶେୟାର କରି ଲେଖିଛନ୍ତି, ‘‘ଦେଶର ସବୁଠାରୁ ବଡ଼ ଆକ୍ସନ ଚଳଚ୍ଚିତ୍ର ପାଇଁ ରାସ୍ତା ପ୍ରସ୍ତୁତ କରନ୍ତୁ।’’ ଏହାସହ ଖୁବଶୀଘ୍ର ଶୁଟିଂ ଆରମ୍ଭ ହେବ ବୋଲି ସୂଚନା ଦିଆଯାଇଛି।