ହସ୍ପିଟାଲରେ ଶେହନାଜ

ବିଗବସ ଫେମ ଶେହନାଜ ଗିଲ ତାଙ୍କ କିୟୁଟନେସ ଏବଂ ତାଙ୍କ ନ୍ୟାଚୁରାଲିଟି ପାଇଁ ଦର୍ଶକଙ୍କର ମନରେ ରାଜ କରିନ୍ତି । ନିକଟରେ ସେ ତାଙ୍କ ଫିଲ୍ମ ‘ଥ୍ୟାଙ୍କ୍‌ ୟୁ ଫର୍‌ କମିଙ୍ଗ୍‌’ ପାଇଁ ଚର୍ଚ୍ଚାରେ ଅଛନ୍ତି। ଫିଲ୍ମରେ ଶେହନାଜଙ୍କ ଅଭିନୟକୁ ବେଶ ପ୍ରଶଂସା କରୁଛନ୍ତି ଦର୍ଶକମାନେ । ହେଲେ ଏଥି ମଧ୍ୟରେ ଶେହନାଜଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହୋଇଯାଇଥିଲା ।ଏହି ସଂକ୍ରମଣ ଏତେ ବଢି ଯାଇଥିଲା ଯେ ତାଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଥିଲା। ଏହି ଖବରଟି ସାମ୍ନାକୁ ଆସିବା ପରେ ତାଙ୍କ ପ୍ରଶଂସକମାନେ ତାଙ୍କ ଆରୋଗ୍ୟ ହେବାର କାମନା କରିଛନ୍ତି । ନିକଟରେ ଶେହନାଜ ଇନଷ୍ଟାଗ୍ରାମ ଲାଇଭରେ ଆସି ତାଙ୍କ ସ୍ୱାସ୍ଥ୍ୟ ସମ୍ବନ୍ଧୀୟ ଅପଡେଟ୍‌ ଦେଇଛନ୍ତି। ଲାଇଭ ରେ ଆସି ଶେହନାଜ ବହୁତ ଭାବୁକ ହୋଇ କହିଥିଲେ, ସମସ୍ତଙ୍କର ସମୟ ଆସେ, ସମସ୍ତଙ୍କର ସମୟ ଚାଲିଯାଏ। ମୋ ସହିତ ମଧ୍ୟ ସମାନ ଘଟଣା ଘଟିଛି। ମୁଁ ବର୍ତ୍ତମାନ ଭଲ ଅଛି। ମୋର ସଂକ୍ରମଣ ହୋଇଥିଲା। ଏହି ସେସନରେ ଅଭିନେତା ଅନିଲ କପୁର ମଧ୍ୟ ଯୋଗ ଦେଇଥିଲେ । ଏବଂ ତାଙ୍କର ଆରୋଗ୍ୟ ହେବାର କାମନା ମଧ୍ୟ କରିଥିଲେ ।