ହଲିଉଡରେ ଜ୍ୟାକଲିନ

ଶ୍ରୀଲଙ୍କାର ଅଭିନେତ୍ରୀ ତଥା ମଡେଲ ଜ୍ୟାକଲିନ ଫର୍ନାଡିଜ ବଲିଉଡରେ ତିଆରି କରିଛନ୍ତି ନିଜର ଏକ ଭିନ୍ନ ପରିଚୟ। ବଲିଉଡକୁ କିଛି ହିଟ ମୁଭି ଭେଟିଦେଇ ସେ ଦର୍ଶକଙ୍କ ପସନ୍ଦର ନାୟିକା ପାଲଟି ଯାଇଛନ୍ତି। ହିନ୍ଦୀ ଫିଲ୍ମ ଇଣ୍ଡଷ୍ଟ୍ରିରେ ନାଁ କମେଇବା ପରେ ଏବେ ଅଭିନେତ୍ରୀ ଖୁବଶୀଘ୍ର ହଲିଉଡରେଏଣ୍ଟ୍ରି ମାରିବାକୁ ଯାଉଛନ୍ତି। ନିକଟରେ ଜ୍ୟାକଲିନ ହଲିଉଡ ଆକ୍ସନ ଲିଜେଣ୍ଡ ଜିନ-କ୍ଲାଉଡ ଓ୍ବନ ଡେମଙ୍କ ସହ ଏକ ଫଟୋ ପୋଷ୍ଟ କରିଛନ୍ତି। ଅଭିନେତ୍ରୀଙ୍କ ଏହି ପୋଷ୍ଟରେ ବହୁ ବଲିଉଡ ସେଲିବ୍ରିଟି ସେମାନଙ୍କ କମେଣ୍ଟ ଦେଇଛନ୍ତି। ଜ୍ୟାକଲିନଙ୍କ କୋ ଷ୍ଟାର ଥବା ବରୁଣ ଧଓ୍ବନ ବି ଏଥିରେ ତାଙ୍କର ରିଆକ୍ସନ ଦେଇଛନ୍ତି।