ଦୁଇ ଜଣ ସାର ଛୁଟିରେ ଗଲେ ସ୍କୁଲରେ ପଡିଲା ତାଲା
ସ୍କୁଲ ତିନି ଦିନ ଛୁଟି ରହିବ। କାନ୍ଥରେ ଏ ନେଇ ନୋଟିସ ମାରିଛନ୍ତି ଜୟପୁର କୋଲାବ ପ୍ରୋଜେକ୍ଟ ଉଚ୍ଚ ବିଦ୍ୟାଳୟର ଶିକ୍ଷକ । ଆଜିଠାରୁ ୯ ତାରିଖ ଯାଏ ଛୁଟି ରହିବ ବୋଲି ନୋଟିସ୍ ମରାଯାଇଛି । ସ୍କୁଲରେ ଦୁଇ ଜଣ ଶିକ୍ଷକ ରହିଛନ୍ତି । ଉଭୟ ବ୍ୟକ୍ତିଗତ କାରଣ ପାଇଁ ଛୁଟି ରହିଥିବାରୁ ଏଭଳି ଏକ ନୋଟିସ୍ ମରାଯାଇଛି । କିନ୍ତୁ ଏହି ସମୟରେ ସ୍କୁଲକୁ ମଧ୍ୟାହ୍ନ ଭୋଜନ ପାଇଁ ଛାତ୍ର ଛାତ୍ର ଆସିପାରିବେ। ଜୟପୁର ସହରର ଇରିଗେସନ କଲୋନି ସ୍ଥିତ ଏହି ସ୍କୁଲରେ ଷଷ୍ଠରୁ ୧୦ମ ପର୍ଯ୍ୟନ୍ତ ୧୭୬ ଜଣ ଛାତ୍ରଛାତ୍ରୀ ରହିଛନ୍ତି। କିନ୍ତୁ ଏହି ବିଦ୍ୟାଳୟରେ ମାତ୍ର ୨ ଜଣ ଶିକ୍ଷକ ରହିବା ଏବେ ଗୋଟିଏ ବଡ ପ୍ରଶ୍ନ। ଅଧିକା ଶିକ୍ଷକ ନ ରହିବା ଓ ଶିକ୍ଷା ବିଭାଗର ଖାମ ଖିଆଲି ନିତି ଯୋଗୁଁ ଏଭଳି ପରିସ୍ଥିତି ଉପୁଜିଛି ବୋଲି ସ୍ଥାନୀୟ ଅଭିଭାବକ କହିଛନ୍ତି । ଆଗକୁ ପିଲାଙ୍କ ଭବିଷ୍ୟତ କଣ ହେବ ତାହା ଏବେ ପ୍ରଶ୍ନ ବାଚୀ ସୃଷ୍ଟି କରିଛି ।