ବିଶ୍ୱର ଚତୁର୍ଥ ସବୁଠାରୁ ବଡ଼

ପ୍ରଥମ ଥର ଭାରତୀୟ ଷ୍ଟକ୍ ମାର୍କେ ହଂକଂକୁ ପଛରେ ପକାଇ ଦେଇଛି । ବ୍ଲୁମବର୍ଗ ତଥ୍ୟ ଅନୁଯାୟୀ ଭାରତୀୟ ଏକ୍ସଚେଞ୍ଜରେ ତାଲିକାଭୁକ୍ତ ଷ୍ଟକଗୁଡିକର ମିଳିତ ମୂଲ୍ୟ ସୋମବାର ୪.୩୩ ଟ୍ରିଲିୟନ ଡଲାରରେ ପହଞ୍ଚିଛି । ଯେତେବେଳେ କି, ହଂକଂ ପାଇଁ ଏହି ସଂଖ୍ୟା ୪.୨୯ ଟ୍ରିଲିୟନ୍ ଥିଲା । ଏହା ସହିତ ଭାରତ ବିଶ୍ୱର ଚତୁର୍ଥ ବୃହତ୍ତମ ଇକ୍ୱିଟି ବଜାରରେ ପରିଣତ ହୋଇଛି ।ଘରୋଇ ବଜାରର ବଜାର କ୍ୟାପ୍ ଡିସେମ୍ବର ୫ ରେ ପ୍ରଥମ ଥର ପାଇଁ ୪ ଟ୍ରିଲିୟନ ଡଲାର ଅତିକ୍ରମ କରିଛି । ଏଥିରୁ ଗତ ଚାରି ବର୍ଷରେ ପ୍ରାୟ ୨ ଟ୍ରିଲିୟନ ଡଲାର ଆସିଥିଲା । ଦ୍ରୁତ ଗତିରେ ବଢ଼ୁଥିବା ଖୁଚୁରା ନିବେଶକାରୀ ଆଧାର ଏବଂ ଦୃଢ଼ କର୍ପୋରେଟ୍ ରୋଜଗାର ହେତୁ ଭାରତରେ ଇକ୍ୱିଟି ଦ୍ରୁତ ଗତିରେ ବୃଦ୍ଧି ପାଉଛି । ଦୁନିଆର ସବୁଠାରୁ ଜନବହୁଳ ଦେଶ ଚୀନର ବିକଳ୍ପ ଭାବରେ ନିଜକୁ ସ୍ଥାପିତ କରିଛି । ଭାରତୀୟ ବଜାର ବର୍ତ୍ତମାନ ବିଶ୍ୱର ନିବେଶକ ଏବଂ କମ୍ପାନୀଗୁଡିକରୁ ନୂଆ ପୁଞ୍ଜି ଆକର୍ଷିତ କରୁଛି ।