ଜିଏସଟିର ୫୨ତମ ବୈଠକରେ ବଡ଼ ନିଷ୍ପତ୍ତି

ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ନୂଆଦିଲ୍ଲୀ ଠାରେ ଅନୁଷ୍ଠିତ ହୋଇଥିବା ଦ୍ରବ୍ୟ ଓ ସେବା କର (ଜିଏସଟି)ର ୫୨ତମ ବୈଠକରେ ଅନେକ ବଡ଼ ନିଷ୍ପତ୍ତି ନିଆଯାଇଛି । ଅନେକ ସାମଗ୍ରୀ ଶସ୍ତା ହୋଇଥିବା ବେଳେ ଆଉ କିଛି ସାମଗ୍ରୀ ମହଙ୍ଗା ହୋଇଛି । ଉକ୍ତ ବୈଠକରେ ରାଜ୍ୟ ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖ ଯୋଗଦେଇଥିଲେ ।ଖୋଲାରେ ବିକ୍ରି ହେଉଥିବା ୭୦ ପ୍ରତିଶତ ମିଲେଟ ମିଶ୍ରିତ ଅଟା ସାମଗ୍ରୀରେ ଜିଏସଟି ଲାଗିବନି । ଏଥିସହିତ ୭୦ ପ୍ରତିଶତ ମିଲେଟ ମିଶ୍ରିତ ବ୍ରାଣ୍ଡେଡ ଅଟା ଉପରେ ୧୮ ପ୍ରତିଶତ ବଦଳରେ ୫ ପ୍ରତିଶତ ଜିଏସଟି ଲାଗିବ । ଓଡ଼ିଶାର ଦାବିକୁ ଜିଏସଟି ପରିଷଦ ଗ୍ରହଣ କରିଥିଲା । ଯଅ, ବାଜରା ଓ ରାଗୀ ଆଦି ପ୍ରସ୍ତୁତ ଖାଦ୍ୟକୁ ଟିକସମୁକ୍ତ କରାଯାଇଛି । ଏବେ ସେଥିରେ ୧୮ ପ୍ରତିଶତ ଟିକସ ଲାଗୁଛି ।