ପାଇଲଟ୍‌ ସଙ୍କଟ, ଯାତ୍ରୀ ହଇରାଣ

ବିମାନ ସେବା କ୍ଷେତ୍ରରେ ଏକ ବଡ଼ ସଙ୍କଟ ଦେଖାଦେଇଛି ଯାହାର ପ୍ରଭାବରେ ଯାତ୍ରୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଟାଟା ଗ୍ରୁପ୍‌ ଅଧୀନରେ ପରିଚାଳିତ ହେଉଥିବା ଏୟାରଲାଇନ୍ସ ଭିସ୍ତାରାର ବିମାନଗୁଡ଼ିକର ଉଡ଼ାଣ ଅହେତୁକ ବିଳମ୍ବ ହେବା ଏବଂ ହଠାତ୍ ବାତିଲ ହେବା ଭଳି ଘଟଣା ଯୋଗୁଁ ଯାତ୍ରୀମାନେ ଅଡ଼ୁଆରେ ପଡ଼ିଛନ୍ତି। କମ୍ପାନି କର୍ତ୍ତୃପକ୍ଷ ଓ ପାଇଲଟ୍‌ଙ୍କ ଭିତରେ ମତଭେଦ ଯୋଗୁଁ ଏହି ସ୍ଥିତି ସୃଷ୍ଟି ହୋଇଛି। ଉଭୟ ପକ୍ଷ ମଧ୍ୟରେ ଚାଲିଥିବା ଆଲୋଚନାରେ କୌଣସି ସମାଧାନ ବାଟ ବାହାରୁନାହିଁ। ଇତି ମଧ୍ୟରେ ୧୪ ଜଣ ପାଇଲଟ୍‌ ଚାକିରି ଛାଡ଼ିଥିବା ଖବର ମଧ୍ୟ ଆସୁଛି।