ଏୟାରବ୍ୟାଗକୁ ନେଇ ବଦଳିଲା ସରକାରଙ୍କ ନିଷ୍ପତ୍ତି

କାରରେ ୬ଟି ଏୟାରବ୍ୟାଗକୁ ନେଇ ବଦଳିଲା ସରକାରଙ୍କ ନିଷ୍ପତ୍ତି । କେନ୍ଦ୍ରୀୟ ସଡକ ପରିବହନ ଓ ରାଜମାର୍ଗ ମନ୍ତ୍ରୀ ନୀତିନ ଗଡକରୀ ଏହାକୁ ବାଧ୍ୟତାମୂଳକ କରିବେ ନାହିଁ ବୋଲି ଏକ କାର୍ଯ୍ୟକ୍ରମରେ କହିଛନ୍ତି । ନିତୀନ ଗଡକରୀ କହିଛନ୍ତି, ଲୋକମାନେ ବର୍ତ୍ତମାନ ସଚେତନ ହୋଇଯାଇଛନ୍ତି, ସେଥିପାଇଁ ୬ଟି ଏୟାରବ୍ୟାଗ ନିୟମକୁ ବାଧ୍ୟତାମୂଳକ କରାଯିବ ନାହିଁ ।ଲୋକମାନଙ୍କ ସୁରକ୍ଷା ଦୃଷ୍ଟିରୁ ଅକ୍ଟୋବର ୨୦୨୩ରୁ ଗାଡିରେ ୬ଟି ଏୟାରବ୍ୟାଗ ବାଧ୍ୟତାମୂଳକ କରିବା ପାଇଁ ସରକାର ନିଷ୍ପତ୍ତି ନେଇଥିଲେ । ଗତବର୍ଷ ସଡକ ପରିବହନ ଓ ରାଜମାର୍ଗ ମନ୍ତ୍ରଣାଳୟ ଯାନବାହନରେ ଲୋକମାନଙ୍କ ସୁରକ୍ଷା ବଢାଇବା ପାଇଁ ଦେଶରେ ବିକ୍ରି ହେଉଥିବା କାର ସମ୍ମୁଖରେ ୨ଟି ଏୟାରବ୍ୟାଗ ଲଗାଇବା ବାଧ୍ୟତାମୂଳକ କରିବା ପାଇଁ କୁହାଯାଇଥିଲା । ଏବେ କେନ୍ଦ୍ରୀୟ ମୋଟର୍ସ ବାହନ ନିୟମ ୧୯୮୯ ଅନୁଯାୟୀ ନିଷ୍ପତ୍ତି ନିଆଯାଇଛି ।