ଉପର ମୁହାଁ ଶେୟାର ବଜାର

ଷ୍ଟକ୍ ଏକ୍ସଚେଞ୍ଜରେ ଖୁସିର ଲହରି ଖେଳିଯାଇଛି । ଆଜିର ଟ୍ରେଡରେ ମିଡ୍ କ୍ୟାପ୍ ଏବଂ ସ୍ମଲ କ୍ୟାପ୍ ଶେୟାରରେ ବୃଦ୍ଧି ଦେଖିବାକୁ ମିଳିଥିଲା । ବଜାର ବନ୍ଦ ହେବା ପୂର୍ବରୁ BSE ସେନସେକ୍ସ ୫୮୪ ପଏଣ୍ଟ ବୃଦ୍ଧି ପାଇ ୮୧, ୬୩୪ ଏବଂ NSE ନିଫ୍ଟି ୨୪୦ ପଏଣ୍ଟ ବୃଦ୍ଧି ପାଇ ୨୫, ୦୧୩ରେ ସ୍ଥିର ରହିଛି ।ଆଜିର ଟ୍ରେଡରେ ମିଡକ୍ୟାପ୍ ଷ୍ଟକ୍ସରେ ବଡ଼ କ୍ରୟ ଦେଖିବାକୁ ମିଳିଥିଲା । ନିଫ୍ଟିର ମିଡକ୍ୟାପ୍ ଇଣ୍ଡେକ୍ସ ୧୨୩୫ ପଏଣ୍ଟ ବୃଦ୍ଧି ସହ ୫୮, ୫୩୫ ପଏଣ୍ଟରେ ବନ୍ଦ ହୋଇଥିଲା । ସେହିପରି ନିଫ୍ଟି ସ୍ମଲକ୍ୟାପ୍ ଇଣ୍ଡେକ୍ସ ୩୭୪ ପଏଣ୍ଟ ବା ୨.୦୫% ବୃଦ୍ଧି ସହ ୧୮, ୬୧୭ ପଏଣ୍ଟରେ ବନ୍ଦ ହୋଇଥିଲା । ବ୍ୟାଙ୍କି, ଅଟୋ, ଆଇଟି, ଫାର୍ମା ଏଫଏସିଜି, ରିୟଲ ଇଷ୍ଟେଟ, ଏନର୍ଜି ଇନଫ୍ରା, କନଜ୍ୟୁମର ଡ୍ୟୁରେବଲ୍ସ,ହେଲଥ କେୟାର ଏବଂ ତୈଳ ଓ ଗ୍ୟାସ୍ ସେକ୍ଟରରେ ବଜାର ବିପୁଳ ଲାଭ ସହ ବନ୍ଦ ହୋଇଥିଲା ।