ଜୟ ନାରାୟଣ ମିଶ୍ରଙ୍କ ବୟାନ ଗ୍ରହଣୀୟ ନୁହେଁ

ଜୟନାରାୟଣଙ୍କ ବିବାଦୀୟ ବୟାନକୁ ନେଇ ଭିନ୍ନ ଭିନ୍ନ ରାଜନୈତିକ ଦଳ ପ୍ରତିକ୍ରିୟା ରଖିଛନ୍ତି । ତେବେ କେବଳ ସମ୍ବଲପୁରରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇନାହିଁ ସାରା ରାଜ୍ୟରେ ଏନେଇ ଆଲୋଚନା ଚାଲିଛି । ଜୟନାରାୟଣ ମିଶ୍ର ବିବାଦୀୟ ବୟାନ ଦେବା ତାଙ୍କ ଅଭ୍ୟାସ ବୋଲି ବିଜେଡି କହିଛି । ସ୍ବତନ୍ତ୍ର ଉତ୍କଳ ଗଠନକୁ ଐତିହାସିକ ଭୁଲ ବୋଲି କହିବା ଆଦୌ ଗ୍ରହଣୀୟ ନୁହେଁ ବୋଲି କହିଛନ୍ତି ସମ୍ବଲପୁରର ବୁଦ୍ଧିଜୀବୀ । ଜୟନାରୟଣ ସମ୍ବଲପୁରର ବିଧାୟକ ହୋଇ ବି ବିଧାନସଭାରେ ସମ୍ବଲପୁର କଥା ପ୍ରତିଫଳିତ ହୋଇପାରୁନି ବୋଲି ବୁଦ୍ଧିଜୀବୀ ଅଭିଯୋଗ କରିଛନ୍ତି । ବିଧାୟକଙ୍କ ମୁହଁରୁ ଏଭଳି କଥା ଶୋଭାପାଉନାହିଁ ବୋଲି କହିଛନ୍ତି ସମ୍ବଲପୁରବାସୀ ।