ଡିଜିଟାଲ ନ୍ୟୁଜ୍ ସବସ୍କ୍ରିପସନ୍ ଜିଏସଟି ସମୀକ୍ଷା କରିବ ଅର୍ଥ ମନ୍ତ୍ରଣାଳୟ
ଦ୍ରବ୍ୟ ଏବଂ ସେବା କର (ଜିଏସଟି) ପରିଷଦର ଆଗାମୀ ବୈଠକ ସେପ୍ଟେମ୍ବର ୯, ୨୦୨୪ ରେ ନୂଆଦିଲ୍ଲୀରେ ଅନୁଷ୍ଠିତ ହେବାର କାଯ୍ୟକ୍ରମ ରହିଛି। ଅଗଷ୍ଟ ୧୩ ରେ ଏକ୍ସ’ରେ ଏକ ପୋଷ୍ଟ ମାଧ୍ୟମରେ ଏହି ଘୋଷଣା କରାଯାଇଛି ଯେଉଁଥିରେ କୁହାଯାଇଛି ଯେ ୫୪ ତମ ଜିଏସଟି ପରିଷଦ ବୈଠକ ୯ ସେପ୍ଟେମ୍ବର ୨୦୨୪ ରେ ନୂଆଦିଲ୍ଲୀରେ ଅନୁଷ୍ଠିତ ହେବ। ସମ୍ପ୍ରତି, ମୁଦ୍ରିତ ଖବରକାଗଜ, ପତ୍ରିକା, ଏବଂ ସାମୟିକ ପତ୍ରିକାଗୁଡ଼ିକ ଜିଏସଟିରୁ ମୁକ୍ତ ରହିଛି।ଆଇଜିଏସଟି ଅଧିନିୟମ ଅନୁଯାୟୀ, ଅନଲାଇନ୍ ନ୍ୟୁଜ୍ ସବସ୍କ୍ରିପସନ୍ ଅନ୍ଲାଇନ୍ ସୂଚନା ଡାଟାବେସ୍ ଆକସେସ୍ ଏବଂ ପୁନରୁଦ୍ଧାର (OIDAR) ସେବା ଭାବରେ ୧୮% ଟ୍ୟାକ୍ସ ସଂଗ୍ରହ କରାଯାଏ, ଅର୍ଥାତ୍ ଏକ ଇଣ୍ଟରନେଟ୍ ସେବା ଯାହା ସେବା ଯୋଗାଣକାରୀ ଏବଂ ପ୍ରାପ୍ତକର୍ତ୍ତାଙ୍କ ମଧ୍ୟରେ କୌଣସି ଭୌତିକ ଇଣ୍ଟରଫେସ୍ ନାହିଁ।ଅନଲାଇନ୍ ନ୍ୟୁଜ୍ ସବସ୍କ୍ରିପସନ୍ “ପ୍ରତିଛବି, ପାଠ୍ୟ, ଏବଂ ସୂଚନା ଯୋଗାଣ ଏବଂ ଡାଟାବେସ୍ ଉପଲବ୍ଧ କରାଇବା” ପାଇଁ ସେବାଗୁଡିକର ଉପ-ବର୍ଗରେ ଅନ୍ତର୍ଭୂକ୍ତ କରାଯାଇଛି |