ଭାରତକୁ ଫେରୁଛି ଫୋର୍ଡ କମ୍ପାନି

ପୁଣି ଥରେ ଭାରତ ବଜାରକୁ ପ୍ରବେଶ କରିବ ଆମେରିକୀୟ କାର୍‌ କମ୍ପାନି ଫୋର୍ଡ ଉପରେ ବିଚାର କରୁଛି। କିନ୍ତୁ ଏଥର ନୂଆ ରଣନୀତି ସହ ଆସିବ। କମ୍ପାନି ଇଲେକ୍ଟ୍ରିକ କାର୍‌ ଆଣିବା ଯୋଜନା ରହିଛି। ଫୋର୍ଡର ସିଇଓ ଜିମ୍‌ ଫାରଲେ ଏବଂ ଗ୍ଲୋବାଲ କମ୍ପାନି ମୁଖ୍ୟାଳୟରେ ଭାରତରେ ପୁନଃପ୍ରବେଶର ଆର୍ଥିକ ଲାଭ ଓ କ୍ଷତି ଦିଗ ଉପରେ ବିଚାରବିମର୍ଶ କରୁଛନ୍ତି।୨୦୨୧ ମସିହାରେ କମ୍ପାନି ଭାରତ ଛାଡ଼ିଥିଲା। କିନ୍ତୁ ବର୍ତ୍ତମାନ ପୁଣି ଭାରତକୁ ପ୍ରବେଶ କରିବାକୁ ଯୋଜନା କରୁଛି। ଭାରତରେ କାର୍‌ ଉତ୍ପାଦନ କରି ଭାରତରେ ବିକ୍ରି କରିବା ଏବଂ ବିଦେଶକୁ ରପ୍ତାନି କରିବା ଯୋଜନା ଏହାର ରହିଛି। ତେବେ କମ୍ପାନି ଏ କ୍ଷେତ୍ରରେ ଆଗକୁ ବଢ଼ିବ ବୋଲି ଆଶା କରାଯାଉଛି। ପୂର୍ବରୁ ଫୋର୍ଡ ଭାରତରେ ୨ ବିଲିଅନ ଡଲାରରୁ ଅଧିକ ନିବେଶ କରିଥିଲା। ଇକୋସ୍ପୋର୍ଟ ଏବଂ ଫିଗୋ ଭଳି ମଡେଲ ବିଶେଷ ସଫଳତା ହାସଲ କରିଥିଲା। ପାଶ୍ଚତ୍ୟ ବଜାରରେ ସ୍ଥାଣୁତା ଆସିଯାଇଥିବାରୁ ଭାରତ ବର୍ତ୍ତମାନ ବଡ଼ ବଜାର ବୋଲି କମ୍ପାନି ବିଶ୍ବାସ କରୁଛି। ଭାରତର ସମ୍ଭାବ୍ୟ କ୍ରେତାଙ୍କ ମଧ୍ୟରେ ଫୋର୍ଡ ବ୍ରାଣ୍ଡ୍‌ ସୁପରିଚିତ ଥିବାରୁ ଏହି ବଜାର ବାହାରେ ରହିବା ଠିକ୍‌ ହେବ ନାହିଁ ବୋଲି କମ୍ପାନି ଅଧିକାରୀମାନେ ଚିନ୍ତା କରୁଛନ୍ତି। ଭାରତରେ ପୁନଃପ୍ରବେଶ ଯୋଜନାକୁ ଯଦି ମଞ୍ଜୁରି ମିଳେ ତାହେଲେ ଚେନ୍ନାଇ ପ୍ଲାଣ୍ଟର ବ୍ୟାପକ ପରିବର୍ତ୍ତନ ହେବ। ଆଇନଗତ ପ୍ରକ୍ରିୟା ସହ ନୂଆ ଯନ୍ତ୍ରାଂଶ ସ୍ଥାପନ କରାଯିବ। ସଜ୍ଜନ ଜିନ୍ଦଲଙ୍କ ଜେଏସ୍‌ଡବ୍ଲୁ ଫୋର୍ଡର ଚେନ୍ନାଇ କାରଖାନାକୁ ବିକ୍ରି ନେଇ ହୋଇଥିବା ରାଜିନାମାରୁ ଓହରିବା ନିଷ୍ପତ୍ତି ‌ଆମେରିକୀୟ କମ୍ପାନି ଭାରତକୁ ଫେରିବାର ଆଭାସ ମିଳିଥିଲା। ଯଦି ଭାରତରେ ପୁନଃ ପ୍ରବେଶକୁ ଅନୁମତି ମିଳେ ତାହେଲେ ଫୋର୍ଡ ଚେନ୍ନାଇ କାରଖାନାରୁ କାର୍‌ ଉତ୍ପାଦନ ପାଇଁ ୧ ବର୍ଷ ସମୟ ନେଇପାରେ।