ବିଭିନ୍ନ ସ୍ଥାନରେ ଇଭିଏମ୍ ଖରାପ ,ମତଦାନ ବିଳମ୍ବ

ଇଭିଏମରେ ଅସୁବିଧା ନେଇ ମତଦାନରେ ବିଳମ୍ବ । ଧାଡିରେ ଛିଡା ହୋଇଛନ୍ତି କୋରାପୁଟ୍ ଜିଲ୍ଲାପାଳ ଓ ତାଙ୍କ ପତ୍ନୀ । କୋରାପୁଟ ନିର୍ବାଚନ ମଣ୍ଡଳୀର ଆଦର୍ଶ ମତଦାନ କେନ୍ଦ୍ରର ୧୩୯ ନମ୍ବର ବୁଥରେ ଭୋଟ୍ ଦାନ ବିଳମ୍ବ । ମେସିନ୍ ଅଚଳ ଯୋଗୁଁ ଅନେକ ଲୋକ ଲାଇନରେ ଛିଡା ହୋଇଛନ୍ତି ।ଇଭିଏମ ଅସୁବିଧା ନେଇ ଅନେକ ସ୍ଥାନରେ ମତଦାନରେ ବିଳମ୍ବ । କଳାହାଣ୍ଡି, ଭବାନୀପାଟ ୧୦୪, ୧୦୫ ଓ ୧୦୬ ନମ୍ବର ବୁଥ୍ରେ ମତଦାନ ଆରମ୍ଭ ହୋଇପାରି ନାହିଁ । ଲାଇନରେ ଛିଡା ହୋଇଥିବା ଭୋଟର ଅସନ୍ତୁଷ୍ଟ । ସେପଟେ ମାଲକାନଗିରି କୁମୁଟିଗୁଡା ୮୫ ନମ୍ବର ବୁଥ୍ରେ ଇଭିଏମ୍ ଅଚଳ । ମତଦାନ ପାଇଁ ଅପେକ୍ଷା କରିଛନ୍ତି ଭୋଟର । ସେହିପରି ମାଲକାନଗିରି ପୌରପରିଷଦର ବୁଥରେ ମଧ୍ୟ ଇଭିଏମରେ ତ୍ରୁଟି ଯୋଗୁଁ ମତଦାନରେ ବିଳମ୍ବ ହୋଇଥିବା ସୂଚନା ରହିଛି ।