ୟୁକ୍ରେନ୍ରେ ଆକ୍ରମଣ ବୃଦ୍ଧି

ରୁଷ ସ୍ଥିତ ବେଲଗୋରୋଡ଼ରେ ୟୁକ୍ରେନ୍ ଆକ୍ରମଣ ବୃଦ୍ଧି ପାଇଛି । ଏହାକୁ ଦୃଷ୍ଟିରେ ରଖି ରୁଷରେ ସୋମବାର ଏବଂ ମଙ୍ଗଳବାର ସମସ୍ତ ଶିକ୍ଷାନୁଷ୍ଠାନ ସହ ମଲ୍ ବନ୍ଦ ରହିବ ବୋଲି ଅଞ୍ଚଳର ରାଜ୍ୟପାଳ ଘୋଷଣା କରିଛନ୍ତି । ୟୁକ୍ରେନ୍ ସୀମାରେ ବେଲଗୋରୋଡ଼ ଥିବାରୁ ଏହା ଅଧିକ ପ୍ରଭାବିତ ହେବାର ସମ୍ଭାବନା ରହିଛି । ଅପରପକ୍ଷରେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଏହି ଯୁଦ୍ଧ ବିଷୟରେ ଲଗାତର ଅପଡେଟ୍ ଦିଆଯାଉଛି ।ବେଲଗୋରୋଡ଼ର ରାଜ୍ୟପାଳ Vyacheslav Gladkov ଟେଲିଗ୍ରାମ୍ ମାଧ୍ୟମରେ ଦର୍ଶାଇଛନ୍ତି ଯେ ୟୁକ୍ରେନର କ୍ରମାଗତ ଏୟାର ଷ୍ଟ୍ରାଇକ୍ ରୁଷର ସୀମାନ୍ତରେ ଥିବା ଜିଲ୍ଲାଗୁଡ଼ିକୁୁ ପ୍ରଭାବିତ କରୁଛି । ରୁଷ ସୀମାନ୍ତ ଜିଲ୍ଲାରେ ଏଭଳି ପରିସ୍ଥିତି ଅତ୍ୟନ୍ତ କଷ୍ଟକର । ସମସ୍ତଙ୍କ ସୁରକ୍ଷା ଗୁରୁତ୍ୱପୂର୍ଣ୍ଣ ଅଟେ ତେଣୁ ରବିବାର ଏବଂ ସୋମବାର ଶପିଂ ମଲ୍ ଗୁଡ଼ିକ ବନ୍ଦ ରହିବା ସହ ସମସ୍ତ ଶିକ୍ଷାନୁଷ୍ଠାନ ସୋମବାର ଏବଂ ମଙ୍ଗଳବାର ବନ୍ଦ ରହିବ ।