କିଏ ହେବ’ବିଗ୍‌ ବସ୍‌’ ବିଜେତା?

‘ବିଗ୍ ବସ୍ ୧୭’ ଫାଇନାଲ୍ ର ବିଜେତା କିଏ ହେବ? ସମସ୍ତଙ୍କ ମନରେ ଏଇ ଗୋଟାଏ ପ୍ରଶ୍ନ। କାରଣ ଫାଇନାଲ୍‌କୁ ଆଉ ମାତ୍ର ୫ ଦିନ ବାକି ଅଛି। ଜାନୁଆରି ୨୮ ତାରିଖରେ ସୋ’ର ଅନ୍ତିମ ଏପିସୋଡ୍‌ ଦେଖିବାକୁ ମିଳିବ। ଅନ୍ତିମ ପର୍ଯ୍ୟାୟରେ ପହଞ୍ଚିଛନ୍ତି ଅଙ୍କିତା ଲୋଖଣ୍ଡେ, ମୁନୱର ରାଣା, ମନ୍ନାରା ଚୋପ୍ରା, ଭିକି ଜୈନ୍‌, ଅରୁଣ ମାସୋଟ୍ଟୀ ଏବଂ ଅଭିଷେକ କୁମାର।ଭିତ‌ରେ କଲର୍ସ ଚ୍ୟାନେଲରୁ ଏକ ଆଶ୍ଚର୍ଯ୍ୟଜନକ ଟୁଇଟ୍ ଆସିଛି। ଯେଉଁ ଟ୍ବିଟ୍‌କୁ ଦେଖିବା ପରେ ଏକ ପ୍ରକାରର ନିଶ୍ଚିତ ହୋଇଛି ଯେ ଅଙ୍କିତା ଲୋଖଣ୍ଡେ ବିଜେତା ହେବାର ସମ୍ଭାବନା ନାହିଁ।କଲର୍ସ ଚ୍ୟାନେଲର ଏହି ଟୁଇଟ୍ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି। ଏହି ଟୁଇଟ୍ ସୂଚିତ କରେ ଯେ କଲର୍ସ ଚ୍ୟାନେଲ ଅଙ୍କିତା ଲୋଖଣ୍ଡେଙ୍କୁ ସମ୍ଭାବ୍ୟ ବିଜେତା ଭାବରେ ଦେଖୁନାହିଁ। କଲର୍ସ ଚ୍ୟାନେଲ କରିଥିବା ଟ୍ବିଟ୍‌ରେ ପଚରାଯାଇଛି ଯେ ଯଦି ଆପଣଙ୍କୁ ସୁଯୋଗ ଦିଆଯାଏ, ତେବେ ଆପଣ କାହାକୁ ଟ୍ରଫି ଦେବାକୁ ଚାହୁଁଛନ୍ତି? ଏଥିପାଇଁ ତିନୋଟି ବିକଳ୍ପ ଦିଆଯାଇଥିଲା: ମନନାରା ଚୋପ୍ରା, ମୁନାୱାର୍ ରାଣା ଏବଂ ଅଭିଷେକ କୁମାର। ଏହିମାନଙ୍କ ମଧ୍ୟରେ ଅଙ୍କିତା ଲୋଖଣ୍ଡେଙ୍କ ନାମ ନାହିଁ। ତେଣୁ ଜଣାପଡୁଛି ଯେ ଅଙ୍କିତା ବୋଧହୁଏ ଦୌଡ଼ରେ ନାହାନ୍ତି।