ଚୀନ୍‌ରେ ଭୂମିକମ୍ପ

ଚୀନ୍‌ର ଦକ୍ଷିଣ ସିନ୍‌ଜାଙ୍‌ରେ ସଂଘଠିତ ହୋଇଥିବା ୭.୨ ତୀବ୍ରତାସମ୍ପନ୍ନ ଭୂମିକମ୍ପର ପ୍ରଭାବ ଦିଲ୍ଲୀରେ ଅନୁଭୂତ ହୋଇଥିବା କଥା ‘ନ୍ୟାସ୍‌ନାଲ୍‌ ସେଣ୍ଟର୍‌ ଫର୍‌ ସିସ୍ମୋଲୋଜି’ କହିଛି।‘ନ୍ୟାସ୍‌ନାଲ୍‌ ସେଣ୍ଟର୍‌ ଫର୍‌ ସିସ୍ମୋଲୋଜି’ ସୂଚନା ଦେଇଛି, ଜାନୁଆରି ୨୨ ତାରିଖ ରାତି ୨୩:୩୯:୧୧ଟା ବେଳେ ଚୀନ୍‌ର ଦକ୍ଷିଣ ସିନ୍‌ଜାଙ୍‌ରେ ଭୂଗର୍ଭର ୮୦ କିଲୋମିଟର୍‌ ଅଭ୍ୟନ୍ତରରେ ସଂଘଠିତ ହୋଇଥିବା ଭୂମିକମ୍ପର ରିକ୍ଟର୍‌ସ୍କେଲ୍‌ରେ ତୀବ୍ରତା ଥିଲା ୭.୨।ଭୂମିକମ୍ପ ଯୋଗୁଁ କିର୍‌ଗିଜ୍‌ସ୍ତାନ-ସିନ୍‌ଜାଙ୍‌ ସୀମାନ୍ତ ଅଞ୍ଚଳରେ କେତେକ ଘରବାଡ଼ି ଭାଙ୍ଗିଯାଇଛି ଓ କିଛି ଲୋକ ଆହତ ହୋଇଛନ୍ତି ବୋଲି ଜଣେ ସରକାରୀ ଅଧିକାରୀ କହିଛନ୍ତି।