ଭାରତ ଓ ଚୀନ୍‌ ସେନା ମଧ୍ୟରେ ୨ଥର ସଂଘର୍ଷ

୨୦୨୦ ଗଲ୍‌ୱାନ୍‌ ସଂଘର୍ଷ ପରେ ବାସ୍ତବ ନିୟନ୍ତ୍ରଣ ରେଖା (ଏଲ୍‌ଏସି) ନିକଟରେ ଚୀନ୍‌ ସ‌ୈନିକମାନଙ୍କ ସହିତ ଭାରତୀୟ ସୈନିକମାନଙ୍କର ଆଉ ୨ଥର ସଂଘର୍ଷ ଘଟିଥିବା କଥା ‘ଏନ୍‌ଡିଟିଭି’ ରିପୋର୍ଟ କରିଛି।ପୂର୍ବରୁ ଜଣାପଡ଼ି ନ ଥିବା ଏ ଘଟଣା ଭାରତୀୟ ସେନା କର୍ମଚାରୀଙ୍କୁ ସାହସିକତା ପୁରସ୍କାର ପ୍ରଦାନ ସମୟରେ ଦିଆଯାଉଥିବା ପ୍ରଶସ୍ତିପତ୍ରରୁ ଜଣାପଡ଼ିଛି।ଗତ ସପ୍ତାହରେ ସେନାର ପଶ୍ଚିମ କମାଣ୍ଡ୍‌ ଆୟୋଜନ କରିଥିବା ପୁରସ୍କାର ଉତ୍ସବରେ ପ୍ରଦାନ କରାଯାଇଥିବା ପ୍ରଶସ୍ତିପତ୍ରରେ ଏ କଥା ଉଲ୍ଲେଖ ଅଛି।