ସିମ୍‌ କାର୍ଡ ନିୟମ

ନୂଆ ବର୍ଷରୁ ଅର୍ଥାତ୍ ୧ ଜାନୁୟାରୀ ୨୦୨୪ରୁ ସିମ୍ କାର୍ଡ କିଣିବା ନିୟମରେ ବଡ଼ ପରିବର୍ତ୍ତନ ଆସିବ । ବର୍ତ୍ତମାନ କୌଣସି ଗ୍ରାହକଙ୍କୁ ସିମ୍ କାର୍ଡ କିଣିବା ପାଇଁ ଇ- KYC କରିବାକୁ ପଡ଼ିବ ଏବଂ ପେପର ବେସଡ୍‌ KYC ସଂପୂର୍ଣ୍ଣ ବନ୍ଦ ହୋଇଯିବ । ଏହା ବ୍ୟତୀତ ନୂଆ ମୋବାଇଲ୍ କନେକ୍ସନ ପାଇବା ପାଇଁ ବାକି ନିୟମ ସମାନ ରହିବ ଏବଂ ଏଥିରେ କୌଣସି ପରିବର୍ତ୍ତନ କରାଯାଇ ନାହିଁ ।ଏହାପୂର୍ବରୁ ଟେଲିକମ୍ ମନ୍ତ୍ରଣାଳୟ ସିମ୍ କାର୍ଡ ସହିତ ଜଡିତ ଅନ୍ୟ ଏକ ନିୟମ ପରିବର୍ତ୍ତନ କରିଛି । ନିୟମ ପରିବର୍ତ୍ତନ କରି କେନ୍ଦ୍ର ସରକାର ଡିସେମ୍ବର ୧ ରୁ ଗୋଟିଏ ID ଉପରେ ସୀମିତ ସଂଖ୍ୟକ ସିମ୍ କିଣିବା ଉପରେ ନିୟମ କାର୍ଯ୍ୟକାରୀ କରିଛନ୍ତି । ସିମ୍ କାର୍ଡ କିଣିବା ପୂର୍ବରୁ KYC ପ୍ରକ୍ରିୟା ଶେଷ କରିବା ଆବଶ୍ୟକ । ଯଦି ଜଣେ ବ୍ୟକ୍ତି ଏକାଥରକେ ଏକାଧିକ ସିମ୍ କାର୍ଡ କିଣନ୍ତି ତେବେ ସେ ଏହାକୁ କେବଳ ବ୍ୟବସାୟିକ କନେକ୍ସନ ମାଧ୍ୟମରେ କିଣି ପାରିବେ ।