ଭାରତ ଡାଲି

ଅକ୍ଟୋବରର ମୁଦ୍ରାସ୍ଫୀତି କିଛି ମାତ୍ରାରେ ଆରାମ ଦେଇଛି । ଜୁଲାଇରୁ ଲଗାତାର ତୃତୀୟ ମାସ ପାଇଁ ଖୁଚୁରା ମୁଦ୍ରାସ୍ଫୀତି ହ୍ରାସ ପାଉଛି ।ଗ୍ରାହକ ମୂଲ୍ୟ ସୂଚକାଙ୍କ ୪.୮୭ ପ୍ରତିଶତକୁ ଖସି ଆସିଛି । ଏହାପୂର୍ବରୁ ସେପ୍ଟେମ୍ବରରେ ଏହା ୫.୦୨ ପ୍ରତିଶତ ଥିଲା । ମୁଦ୍ରାସ୍ଫୀତି ନିୟନ୍ତ୍ରଣ ପାଇଁ କେନ୍ଦ୍ର ସରକାର ଲଗାତାର ଅନେକ ପଦକ୍ଷେପ ନେଉଛନ୍ତି । ଏହି ପଦକ୍ଷେପଗୁଡ଼ିକ ମଧ୍ୟରୁ ଗୋଟିଏ ହେଉଛି ଭାରତ ଡାଲିର ବିକ୍ରୟ । ମହଙ୍ଗା ମାଡ଼ ଯୋଗୁଁ ଅସୁବିଧା ଭୋଗୁଥିବା ସାଧାରଣ ଜନତାଙ୍କୁ ଆରାମ ପ୍ରଦାନ କରିବାକୁ କେନ୍ଦ୍ର ସରକାର ଜୁଲାଇ ୨୦୨୩ ରୁ ଚନା ଡାଲି ବିକ୍ରି ଆରମ୍ଭ କରିଥିଲେ । ଏହାକୁ ‘ଭାରତ ଡାଲି’ ନାମରେ ବିକ୍ରି କରାଯାଉଛି । ଏହି ଡାଲିକୁ ଏନଏଏଫଇଡି, ଏନସିସିଏଫ, କେନ୍ଦ୍ରୀୟ ଭଣ୍ଡାର ଏବଂ ସଫଲ ମାଧ୍ୟମରେ ବିକ୍ରି କରାଯାଉଛି ।