ସିଜିଏଲ ପରୀକ୍ଷାକୁ ନେଇ ଆସିଛି ବଡ଼ ଖବର

ଓଏସଏସସି ପକ୍ଷରୁ ମିଳିତ ସ୍ନାତକ ସ୍ତରୀୟ (ସିଜିଏଲ) ୨୦୨୩ ପରୀକ୍ଷାକୁ ନେଇ ଆସିଛି ଏକ ବଡ଼ ଖବର । ଯୋଗ୍ୟ ପ୍ରାର୍ଥୀଙ୍କୁ ଗ୍ରୁପ-ବି ଓ ଗ୍ରୁପ-ସି ପଦରେ ନିଯୁକ୍ତି ମିଳିବ । ଗତ ମାସ ୧୪ ତାରିଖରୁ ଏହାର ଆବେଦନ ପ୍ରକ୍ରିୟା ଆରମ୍ଭ ହୋଇଥିବା ବେଳେ ଆସନ୍ତା ୧୪ ତାରିଖରେ ତାହା ସମାପ୍ତ ହେବ । ନିକଟରେ ଏହି ପଦ ସଂଖ୍ୟା ବୃଦ୍ଧି ପାଇବା ଫଳରେ ମୋଟ ପଦ ସଂଖ୍ୟା ୫୦୪ରେ ପହଞ୍ଚିଥିଲା ।ତେବେ ସିଜିଏଲ ୨୦୨୩ ପାଇଁ ଅନଲାଇରେ ଆବେଦନ ପ୍ରକ୍ରିୟା ଜାରି ରହିଥିବା ବେଳେ ଏହା ମଧ୍ୟରେ ଓଏସଏସସି ପକ୍ଷରୁ ଏକ ନୋଟିସ୍ ଜାରି କରାଯାଇଛି । କିଛି ପ୍ରାର୍ଥୀ ଅଡିଟର ପଦ ଓ ମାଥମେଟିକ୍ସ ଟେଷ୍ଟର ଆପ୍ଲିକେସନ ପାଇଁ ପ୍ରାସଙ୍ଗିକ ମାର୍କ କରିପାରିନଥିବା ଦେଖାଯାଇଛି । ତେଣୁ ଯଦି ସମ୍ଭବ ହୁଏ ସେହି ପ୍ରାର୍ଥୀମାନେ ଉକ୍ତ ତ୍ରୁଟିକୁ ସଂଶୋଧନ କରିପାରିବେ ।