ଆଜି ଇସ୍ରାଏଲ ବାୟୁସେନା ବୋମାମାଡ଼ କରିଛି ଏବଂ ଏଥିରେ ଅତିକମ୍ରେ ୫୦ ଜଣ ନିହତ ହୋଇଥିବା ଜଣାପଡ଼ିଛି। ଶତାଧିକ ଗୁରୁତର ଆହତଙ୍କୁ ‘ଇଣ୍ଡୋନେସିଆନ୍ ହସ୍ପିଟାଲ’ରେ ଭର୍ତ୍ତି କରାଯାଇଛି। ରିଲିଫ୍ ଶିବିର ଉପରେ ବିମାନ ଆକ୍ରମଣ ନେଇ ବିଶ୍ବବ୍ୟାପୀ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଗାଜାରେ ଇସ୍ରାଏଲ ସେନା ସ୍ଥଳ ଅଭିଯାନକୁ ଆଜି ବ୍ୟାପକ କରିଛି। ଉଭୟ ସ୍ଥଳ ଓ ଆକାଶରୁ ପ୍ରଚଣ୍ଡ ଆକ୍ରମଣ ଗାଜାରେ ହମାସ୍ ଆଡ଼ାସ୍ଥଳଗୁଡ଼ିକୁ ଛାରଖାର ହୋଇଥିବା ବେଳେ ଏଥିରେ ନିରୀହ ନାଗରିକମାନେ ମଧ୍ୟ ଶିକାର ହୋଇଛନ୍ତି। ଗାଜାରେ ୧ ହଜାରରୁ ଅଧିକ ହମାସ୍ କେନ୍ଦ୍ରକୁ ଆକ୍ରମଣ କରି ଇସ୍ରାଏଲ ମାଟିରେ ମିଶାଇ ଦେଇଛି। ଗାଜାରେ ପ୍ରମୁଖ ରାସ୍ତାମାନଙ୍କରେ ଇସ୍ରାଏଲୀ ଟ୍ୟାଙ୍କରୁ ଗୁଳିଗୋଳା ମାଡ଼ ହେଉଛି।