ବିଜୟ ପର୍ଯ୍ୟନ୍ତ ଚାଲିବ ଯୁଦ୍ଧ

ବିଜୟ ପର୍ଯ୍ୟନ୍ତ ଚାଲିବ ଯୁଦ୍ଧ । ଇସ୍ରାଏଲ-ହମାସ୍ ଯୁଦ୍ଧକୁ ନେଇ ବଡ଼ ପ୍ରତିକ୍ରିୟା ରଖିଛନ୍ତି ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ । ଅକ୍ଟୋବର ୭ ଆକ୍ରମଣରେ ହାମାସ ଦ୍ବାରା ୨୩୦ରୁ ଅଧିକ ବନ୍ଧକଙ୍କୁ ମୁକ୍ତ କରିବା ପାଇଁ ଅନ୍ୟ ଦେଶମାନେ ଏହି ସଂଗ୍ରାମରେ ଅଧିକ ସାହାଯ୍ୟ କରିବା ଆବଶ୍ୟକ ବୋଲି କହିଛନ୍ତି ।ଏପଟେ ଲେବାନନରେ ହେଜବୋଲ୍ଲା ଆଡ଼ା ଓ ସିରିୟାରେ ଘନଘନ ବିସ୍ଫୋରଣ । ଇସ୍ରାଏଲ ବାୟୁସେନା ପକ୍ଷରୁ ଲେବାନନରେ ଆତଙ୍କବାଦୀ ଭିତ୍ତିଭୂମି ଉପରେ ଜୋରଦାର ଆକ୍ରମଣ ହୋଇଛି । ଆତଙ୍କୀଙ୍କ ପୋଷ୍ଟ, ଅସ୍ତ୍ରଶସ୍ତ୍ର ରଖିଥିବା ସ୍ଥାନକୁ ଟାର୍ଗେଟ୍ କରି ଆଟାକ୍ କରାଯାଇଛି । ଉତ୍ତର ଓ କେନ୍ଦ୍ରୀୟ ଗାଜାରେ ଇସ୍ରାଏଲ ସେନା ଗ୍ରାଉଣ୍ଡ ଅପରେସନକୁ ଜୋରଦାର କରିଛି। ହମାସ୍ ଆଡ଼ା ଉପରେ ହୋଇଥିବା ଆକ୍ରମଣ ଯୋଗୁ ଅନେକ ଆତଙ୍କବାଦୀ ନିପାତ ହୋଇଛନ୍ତି ।