ପଣବନ୍ଦୀଙ୍କ ମୁକ୍ତି ପାଇଁ ସ୍ବତନ୍ତ୍ର ରଣନୀତି

ଆଜିକୁ ହମାସ ସହ ଇସ୍ରାଏଲର ଯୁଦ୍ଧ ୨୪ତମ ଦିନରେ ପ୍ରବେଶ କରିଥିବା ବେଳେ ଇସ୍ରାଏଲ ସେନା ରବିବାର ଗାଜାପଟିରେ ଆକ୍ରମଣ ଜାରି ରଖିଛି। ଇସ୍ରାଏଲ ସେନା କହିଛି ଯେ ସ୍ଥଳ ଅପରେସନ ମାଧ୍ୟମରେ ଏହା ୧୫୦ରୁ ଅଧିକ ଭୂତଳ ସୁଡ଼ଙ୍ଗ ଏବଂ ବଙ୍କର ସମେତ ଅନେକ ହମାସ କାର୍ଯ୍ୟକର୍ତ୍ତାଙ୍କ ସ୍ଥାନକୁ ଟାର୍ଗେଟ କରିଛି। ଇସ୍ରାଏଲ ପ୍ରତିରକ୍ଷା ବାହିନୀ (ଆଇଡିଏଫ୍) ମଧ୍ୟ ଉତ୍ତର ଗାଜା ବାସିନ୍ଦାଙ୍କୁ ଚେତାବନୀ ଦେଇ କହିଛି ଯେ ଏହା ହମାସ ବିରୋଧରେ ବିମାନ ଅଭିଯାନ ବୃଦ୍ଧି କରିଥିବାରୁ ଏହି ଅଞ୍ଚଳ ‘ଯୁଦ୍ଧକ୍ଷେତ୍ର’ରେ ପରିଣତ ହୋଇଛି।