ଆସନ୍ତାକାଲି ବେଙ୍ଗାଲୁରୁ ବନ୍ଦ 

ଆସନ୍ତାକାଲି ରାମ୍ନାଗଡ଼ ଓ ବେଙ୍ଗାଲୁରୁ ବନ୍ଦ ରହିବ । ରାମ୍ନାଗଡ଼ର କୃଷକ ଓ ପ୍ରୋ-କନ୍ନଡ଼ ସଂଘ ପକ୍ଷରୁ ଏହି ବନ୍ଦ ଡାକରା ଦିଆଯାଇଛି । ଏଥିପାଇଁ ଗତ ରବିବାର ଦିନ ରାମ୍ନାଗଡ଼ ରଇଥା ଭବନ ଠାରେ ଏକ ପ୍ରାଥମିକ ବୈଠକ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ଅନେକ ସଂଗଠନ, ବ୍ୟବସାୟୀ ସଂଘ, ହୋଟେଲ ମାଲିକ ସଂଘ, ଓକିଲ ସଂଘ, ଅଟୋ ଡ୍ରାଇଭର ସଂଘ ଯୋଗଦେଇଥିବା ବେଳେ ରାମ୍ନାଗଡ଼, ଛନ୍ନାପାଟଣା, ବିଦାଦି ସହର ସମ୍ପୂର୍ଣ୍ଣ ବନ୍ଦ ନେଇ ସେମାନେ ସମର୍ଥନ ଜଣାଇଥିଲେ ।ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଏହି ବନ୍ଦ ପାଳନ କରାଯିବ । ଏହି ଅବସରରେ ମେଡିକାଲ, ହସ୍ପିଟାଲ, କ୍ଷୀର ଦୋକାନ, ସିଲକ ମାର୍କେଟକୁ ଛାଡ଼ି ଅନ୍ୟ ସମସ୍ତ ସେବା ବନ୍ଦ ରହିବ ।ସେପ୍ଟେମ୍ବର ୨୯ ତାରିଖରେ ସାରା କର୍ଣ୍ଣାଟକ ବନ୍ଦ ରହିବ । ପ୍ରୋ-କନ୍ନଡ଼ କାର୍ଯ୍ୟକର୍ତ୍ତା ଭାଟଲ ନାଗରାଜ ଏନେଇ ଘୋଷଣା କରିଛନ୍ତି । କନ୍ନଡ଼ ସଂଘ ଦ୍ୱାରା ଏହି ବନ୍ଦ ଡାକରା ଦିଆଯାଇଛି ।