ନୂଆ ସଂସଦର ସ୍ବତନ୍ତ୍ର ଅଧିବେଶନରେ ନୂଆ ୟୁନିଫର୍ମ ପିନ୍ଧିବେ କର୍ମଚାରୀ

ନୂଆଦିଲ୍ଲୀ: ସଂସଦର ସ୍ବତନ୍ତ୍ର ଅଧିବେଶନରେ ନୂଆ ୟୁନିଫର୍ମ ପିନ୍ଧିବେ କର୍ମଚାରୀ । ଏନେଇ ଖବର ପ୍ରକାଶ ପାଇବା ପରେ ବିରୋଧୀମାନେ ପ୍ରଶ୍ନ ଉଠାଇଛନ୍ତି ।  ଆସନ୍ତା ସପ୍ତାହରେ ନୂଆ ସଂସଦ ଭବନରେ କର୍ମଚାରୀମାନେ ଯୋଗଦେବେ । ଉଭୟ ଗୃହ ଭିତରେ ଓ ବାହାରେ ସଂସଦ କର୍ମଚାରୀମାନେ ନୂଆ ୟୁନିଫର୍ମ ପିନ୍ଧିବେ ବୋଲି ଲୋକସଭା ସହ ଜଡ଼ିତ ଅଧିକାରୀମାନେ କହିଛନ୍ତି। ନୂଆ ୟୁନିଫର୍ମରେ ଦୁଇ ଗୃହର ମାର୍ଶାଲଙ୍କ ପାଇଁ ମଣିପୁରୀ ପଗଡ଼ି ଏବଂ ଟେବୁଲ ଅଫିସ, ନୋଟିସ ଅଫିସ ଓ ସଂସଦୀୟ ରିପୋର୍ଟିଂ ବିଭାଗର ଅଧିକାରୀଙ୍କ ପାଇଁ ପଦ୍ମ ଛପା ଥିବା ସାର୍ଟ ରହିବ। ସମସ୍ତ ମହିଳା ଅଧିକାରୀଙ୍କୁ ନୂଆ ଡିଜାଇନ୍‌ର ଶାଢ଼ି ମିଳିବ। ପଦ୍ମ ହେଉଛି ଭାରତର ଜାତୀୟ ଫୁଲ, କିନ୍ତୁ ଏହା ଭାରତୀୟ ଜନତା ପାର୍ଟି (ବିଜେପି)ର ନିର୍ବାଚନ ଚିହ୍ନ ହୋଇଥିବାରୁ ଏହାକୁ ନେଇ  ରାଜନୈତିକ ବିବାଦ ସୃଷ୍ଟି କରିଛି। କଂଗ୍ରେସ ଓ ଏନ୍‌ସିପି ସରକାରଙ୍କ ଏହି ପଦକ୍ଷେପକୁ କଡ଼ା ସମାଲୋଚନା କରିଛନ୍ତି।