ସୌମ୍ୟଙ୍କୁ କଡ଼ା ସମାଲୋଚନା କଲେ ପ୍ରତାପ , କହିଲେ ଦଳ ଛାଡ଼, ସମ୍ପାଦକୀୟ ଲେଖ

ଭୁବନେଶ୍ବର:  ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କୁ ସମାଲୋଚନା କରିଛନ୍ତି ଶକ୍ତିମନ୍ତ୍ରୀ ପ୍ରତାପ ଦେବ । ଦଳକୁ ବିରୋଧ କରିବା ଠିକ୍ ନୁହେଁ । ଯଦି ଗଣମାଧ୍ୟମରେ ଦଳକୁ ବିରୋଧ କରିବାର ଅଛି ତେବେ ଦଳ ଛାଡିଦେବା ଉଚିତ । ଏକ ନିର୍ଦ୍ଦିଷ୍ଟ ଦଳର ବିଧାୟକ  ହୋଇ ମଧ୍ୟ ବାରମ୍ବାର ଦଳ ଏବଂ ସରକାରଙ୍କୁ ଟାର୍ଗେଟ କରୁଛନ୍ତି ଯାହାକୁ ବ୍ଲାକମେଲ ବୋଲି କୁହାଯାଏ ।  ସେ ଉଦ୍ଦେଶ୍ୟମୂଳକଭାବେ ଦଳ ବିରୋଧରେ ଲେଖୁଛନ୍ତି । ଯଦି କିଛି କହିବାର ଅଛି ତାହେଲେ ଦଳୀୟ ପ୍ଲାଟଫର୍ମରେ କୁହନ୍ତୁ । ଯଦି ଦଳ କଥା ମାନୁନାହାନ୍ତି ତାହାଲେ ଦଳରୁ ଇସ୍ତଫା ଦେଇଦିଅନ୍ତୁ ଏବଂ ସମ୍ପାଦକୀୟ ଲେଖନ୍ତୁ ବୋଲି ସିଧାସଳଖ ଟାର୍ଗେଟ କରିଛନ୍ତି ମନ୍ତ୍ରୀ ପ୍ରତାପ ଦେବ । ସେପଟେ ଖଣ୍ଡପଡ଼ା ବିଧାୟକ ଏହାର ଜବାବ ଦେଇଛନ୍ତି । ସେ କହିଛନ୍ତି ସେ ଯାହା ଲେଖିଛନ୍ତି ଠିକ୍ ଲେଖିଛନ୍ତି । ସେ ଯାହା ପରାମର୍ଶ ଦେଇଛନ୍ତି ସେଥିରେ କିଛି ଭୁଲ ନାହିଁ । ନେତା ଥାଉ ଥାଉ ସଚିବ ସାରା ରାଜ୍ୟରେ ବୁଲୁଛନ୍ତି  । ଏହା କଣ ଠିକ୍ କି? । ଏତେ ନେତା ଅଛନ୍ତି ମୁଖ୍ୟମନ୍ତ୍ରୀ ଅଛନ୍ତି ବିଜେଡି ଦଳକୁ ବହୁଲୋକ ସମର୍ଥନ କରୁଛନ୍ତି । ତେଣୁ ଯାହା ଚାଲିଛି ତାହା ଉପରେ ତର୍ଜମା ହେବା ଉଚିତ । ଦଳର କଲ୍ୟାଣ ପାଇଁ ମୁଁ ଯାହା ଲେଖୁଛି ତାହା ଭୁଲ ନୁହେଁ । ମୁଁ ଦଳ ବିରୋଧରେ ଯାଇନାହିଁ ବୋଲି କହିଛନ୍ତି ସୈାମ୍ୟରଂଜନ ପଟ୍ଟନାୟକ ।