NationalPolitics

ଅନାସ୍ଥା ପ୍ରସ୍ତାବ ଉପରେ ଲୋକସଭାରେ ରାହୁଲ ଗାନ୍ଧୀଙ୍କ ବକ୍ତବ୍ୟ: ମୋଦିଙ୍କୁ କଲେ ଟାର୍ଗେଟ

ମଣିପୁର ପ୍ରସଙ୍ଗରେ ମୋଦୀ ସରକାର ବିରୋଧରେ ଆସିଥିବା ଅନାସ୍ଥା ପ୍ରସ୍ତାବକୁ ନେଇ ଲୋକସଭାରେ ମୋଦିଙ୍କୁ ଟାର୍ଗେଟ କରିଛନ୍ତି  କଂଗ୍ରେସ ସାଂସଦ ରାହୁଲ ଗାନ୍ଧୀ । କହିଛନ୍ତି ମୋଦି କେବଳ ଶାହ ଏବଂ ଆଦାନୀ କଥା ଶୁଣୁଛନ୍ତି । ଆଉ କାହା କଥା ଶୁଣୁନାହାଁନ୍ତି । ମୋଦି ଭାବୁଛନ୍ତି ମଣିପୁର ଭାରତର ନୁହଁ  । ବିଜେପିକୁ ଟାର୍ଗେଟ କରି କହିଥିଲେ ଏମାନେ ମଣିପୁରରେ ହିନ୍ଦୁସ୍ତାନର ହତ୍ୟା କରିଛନ୍ତି  ।

ରାଜନୀତି ପାଇଁ ଏମାନେ ମଣିପୁରରେ ହିନ୍ଦୁସ୍ତାନକୁ ମାରିଛନ୍ତି  । ମୋ ମଣିପୁର ମା କୁ ହତ୍ୟା କରିଛନ୍ତି ।  ରାହୁଲଙ୍କ ମନ୍ତବ୍ୟକୁ ଶାସକ ଦଳ ସଭ୍ୟଙ୍କ ପ୍ରବଳ ବିରୋଧ କରିଥିଲେ ।  ଜୋରଦାର ପ୍ରତିବାଦ କରିଥିଲେ କେନ୍ଦ୍ରମନ୍ତ୍ରୀ କିରଣ ରିଜିଜୁ ।  ରାହୁଲ  କ୍ଷମା ମାଗନ୍ତୁ ଦାବି କରିଥିଲେ ବିଜେପି ସଦସ୍ୟମାନେ । ଏହାରି ଭିତରେ ପୁଣି  ରାହୁଲ କହିଥିଲେ, ସେ ବିଜେପି ନେତାଙ୍କ ଉପରେ ସେତେଟା ଆକ୍ରମଣ କରିବେନି  । କହିଥିଲେ, ପଦେ ଦି ପଦ କଥା କହିବି, କିନ୍ତୁ ବେଶି ସମସ୍ୟାରେ ପକାଇବିନି । ଗତବର୍ଷ ୧୩୦ ଦିନ ପାଇଁ ମୁଁ ଭାରତର ଗୋଟିଏ ସ୍ଥାନରୁ ଅନ୍ୟ ଏକ ସ୍ଥାନକୁ ଯାଇଥିଲି । ଏଯାଏଁ ଭାରତ ଯୋଡ ଯାତ୍ରା ଶେଷ ହୋଇନାହିଁ । ଏହି ସମୟରେ ଅନେକ ଲୋକ ପଚାରିଥିଲେ ଯେ, ରାହୁଲ ତୁମେ କାହିଁକି ଚାଲୁଛ? କଣ ତୁମର ଲକ୍ଷ୍ୟ, କାହିଁକି କନ୍ୟାକୁମାରୀରୁ କାଶ୍ମୀର ପର୍ଯ୍ୟନ୍ତ ଯାଉଛ । ଏହା ପଛର କାରଣ ଖୋଜି ପାଇଥିଲି । ଯେଉଁଥିପାଇଁ ମୁଁ ମରିବାକୁ ପ୍ରସ୍ତୁତ, ଯେଉଁଥିପାଇଁ ମୁଁ ମୋଦୀଙ୍କ ଜେଲକୁ ଯିବାକୁ ପ୍ରସ୍ତୁତ, ଯେଉଁଥିପାଇଁ ମୁଁ ୧୦ ବର୍ଷ ପ୍ରତିଦିନ ଗାଳି ଖାଇଛି । ତାହାକୁ ମୁଁ ବୁଝିବାକୁ ଚେଷ୍ଟା କରିଥିଲି । ଏପରି କିଛି କହି ବିଜେପି ସରକାରଙ୍କୁ ଟାର୍ଗେଟ କରିଥିଲେ ରାହୁଲ ଗାନ୍ଧୀ