ଓଡ଼ିଆ ଜାଭେଲିନ୍‌ ‌ଖେଳାଳି କିଶୋର କୁମାର ଜେନାଙ୍କ ଶ୍ରେଷ୍ଠ ପ୍ରଦର୍ଶନ

ଭୁବନେଶ୍ବର: ଓଡ଼ିଆ ଜାଭେଲିନ୍‌ ‌ଖେଳାଳି କିଶୋର କୁମାର ଜେନା ଶ୍ରୀଲଙ୍କାରେ ଚାଲିଥିବା ଜାତୀୟ ଦୌଡ଼କୁଦ ପ୍ରତିଯୋଗିତାରେ ସ୍ବର୍ଣ୍ଣ ପଦକ ଜିତିବା ସହ ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ ଦେଇଛନ୍ତି। ଶୁକ୍ରବାର କଲମ୍ବୋରେ ଶେଷ ହୋଇଥିବା ପୁରୁଷ ଜାଭେଲିନ୍‌ରେ କିଶୋର ୮୪.୩୮ ମିଟର ଫିଙ୍ଗିବା ସହ ଏହି ସଫଳତା ପାଇଥିଲେ। ତାଙ୍କ ପଛକୁ ଅନ୍ୟତମ ଭାରତୀୟ ଶିବପାଲ୍‌ସିଂହ ୭୭.୩୬ ମିଟର ସହ ରୌପ୍ୟ ପଦକ ଜିତିଛନ୍ତି। କିଶୋରଙ୍କ ଏହି ପ୍ରଦର୍ଶନ ତାଙ୍କୁ ବିଶ୍ବ ତାଲିକାର ଦଶମ ସ୍ଥାନରେ ପହଞ୍ଚାଇଛି। ଏପରିକି ଏସିଆରେ ଅଲମ୍ପିକ୍‌ ସ୍ବର୍ଣ୍ଣ ପଦକ ବିଜେତା ନୀରଜ ଚୋପ୍ରା (୮୮.୬୭ ମିଟର) ଙ୍କ ପଛକୁ ଦ୍ବିତୀୟ ସ୍ଥାନରେ ଅଛନ୍ତି। କିଶୋରଙ୍କ ଶ୍ରୀଲଙ୍କା ଚମକ ପରେ ତାଙ୍କୁ ଅଲିମ୍ପିକ୍ ବିଜେତା ନୀରଜ ଚୋପ୍ରା ଅଭିନନ୍ଦନ ଜଣାଇଛନ୍ତି। ଟ୍ବିଟର୍‌ ହ୍ୟାଣ୍ଡ୍‌ରେ ନିରଜ ଲେଖିଛନ୍ତି ‘ଗୁଡ୍‌ ‌ଥ୍ରୋ କିଶୋର, କିପ୍ ଗୋଇଙ୍ଗ୍’।