Odisha

ମୈାସୁମୀର ଦେଖାନାହିଁ, ବର୍ଷା ହେଲେ ତାତି କମିବ

ବର୍ଷା ନହେଲା ପର୍ଯ୍ୟନ୍ତ ତାତି କମିବ ନାହିଁ । ମୈାସୁମୀ ଆସିଲେ ତାତି କମିବ । ତେବେ ମୈାସୁମି କେବେ ଆସିବ ତାହା କହିବା ମୁସ୍କିଲ ।  ଉତ୍ତର-ପଶ୍ଚିମରୁ ଓଡ଼ିଶାକୁ ପବନ ପ୍ରବାହିତ ହେଉଥିବାରୁ ତାତି ବଢ଼ୁଛି । ଦକ୍ଷିଣ-ପଶ୍ଚିମରୁ ବାୟୁ ପ୍ରବାହିତ ହେଲେ ଥଣ୍ଡା ଲାଗିବ । ତେବେ ଯାଇ ରାଜଧାନୀର ତାତି କମିବା ଆରମ୍ଭ ହେବ। ଏଥିସହ ୧୯ ତାରିଖରୁ ବଙ୍ଗୋପସାଗରରୁ ସାମୁଦ୍ରିକ ପବନ ମଧ୍ୟ ବହିବା ଆରମ୍ଭ ହୋଇଯିବ ଓ ତାତି ଆହୁରି କମିବାର ସଂଭାବନା ରହିଛି। କିନ୍ତୁ ଆଭ୍ୟନ୍ତର ଓଡ଼ିଶା ଓ ପଶ୍ଚିମ ଓଡ଼ିଶାରେ ଏବେ କିଛି ଦିନ ତାତି କମିବାର ସମ୍ଭାବନା ବିଶେଷ ନାହିଁ । ଏଥିସହ ଯଦି  ୧୯ ତାରିଖ ଆଡ଼କୁ ପ୍ରାକ୍‌ ମୌସୁମୀ ବର୍ଷା ହେବ ତେବେ ୨୦, ୨୧ ତାରିଖ ଆଡ଼କୁ ମୌସୁମୀ ଓଡ଼ିଶା ଛୁଇଁପାରେ।  ୨୩, ୨୪ ତାରିଖ ଆଡ଼ଙ୍କୁ ପଶ୍ଚିମବଙ୍ଗ ଓ ବାଂଲାଦେଶ ପାଖାପାଖି ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି। ଏହି ଘୂର୍ଣ୍ଣିବଳୟ ଓଡ଼ିଶାରେ ବର୍ଷା କରାଇବା ସହ ମୌସୁମୀକୁ ବାଟ କଢ଼ାଇବ ବୋଲି ପାଣିପାଗ ବିଭାଗ ଆକଳନ କରିଛି ।