ନେହରୁ ମେମୋରିଆଲ ମ୍ୟୁଜିୟମର ନାମ ପରିବର୍ତ୍ତନ

ନୂଆଦିଲ୍ଲୀ : ଦିଲ୍ଲୀରେ ନେହରୁ ମେମୋରିଆଲ ମ୍ୟୁଜିୟମ ଆଣ୍ଡ୍‌ ଲାଇବ୍ରେରି ସୋସାଇଟି ର ନାମ ପରିବର୍ତ୍ତନ କରାଯାଇଛି।ଏହାକୁ ନେଇ ବିଜେପି କଂଗ୍ରେସ ମଧ୍ୟରେ କଥା କଟାକଟି ଚାଲିଛି । କଂଗ୍ରେସ ନାମ ପରିବର୍ତ୍ତନ କୁ ନେଇ ବିଜେପି ଉପରେ ବର୍ଷିଛି । ବିଜେପି କହିଛି କଂଗ୍ରେସ ହେଉଛି ପାରିବାରିକ ଦଳ । ଅନ୍ୟକୁ ଉପଦେଶ ଦେବା ଆବଶ୍ୟକ ନାହିଁ ।  ନେହରୁ ମ୍ୟୁଜିୟମର ନାଁ ରଖାଯାଇଛି ‘ପ୍ରାଇମ ମିନିଷ୍ଟର୍ସ ମ୍ୟୁଜିୟମ ଆଣ୍ଡ ଲାଇବ୍ରେରି ସୋସାଇଟି’। ଏନଏମଏମଏଲର ଏକ ସ୍ବତନ୍ତ୍ର ବୈଠକରେ ନେହରୁ ମ୍ୟୁଜିୟମର ନାମ ପରିବର୍ତ୍ତନ କରିବାପାଇଁ ଚୂଡ଼ାନ୍ତ ନିଷ୍ପତ୍ତି ହୋଇଛି। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ଏହି ବୈଠକ ହୋଇଥିଲା। ଏନଏମଏମଏଲର ନାମ ପରିବର୍ତ୍ତନ କରିବାପାଇଁ ନିଷ୍ପତ୍ତି ନିଆସରିଛି ବୋଲି ଆଜି ସଂସ୍କୃତି ମନ୍ତ୍ରାଳୟ ଦ୍ବାରା ଘୋଷଣା କରାଯାଇଛି।