National

କେନ୍ଦ୍ର ସରକାର ଆଣିଲେ ଅଧ୍ୟାଦେଶ: କେଜରିଓ୍ବାଲ କରିପାରିବେନି ‘ଟ୍ରାନ୍ସଫର-ପୋଷ୍ଟିଂ

ଦିଲ୍ଲୀ: ଅରବିନ୍ଦ କେଜରିଓ୍ବାଲଙ୍କ ସରକାରରେ ‘ଟ୍ରାନ୍ସଫର-ପୋଷ୍ଟିଂକୁ ନେଇ କେନ୍ଦ୍ର ସରକାର ଅଧ୍ୟାଦେଶ ଆଣିଛନ୍ତି । ଏନେଇ ବିଜ୍ଞପ୍ତି ପ୍ରକାଶ ପାଇଛି । ଜାତୀୟ ରାଜଧାନୀ ଅଞ୍ଚଳରେ ଟ୍ରାନ୍ସଫର -ପୋଷ୍ଟିଂକୁ ନେଇ  (GNCTD) ନିୟମରେ ସଂଶୋଧନ କରିଛନ୍ତି କେନ୍ଦ୍ର ସରକାର। ସୁପ୍ରିମକୋର୍ଟଙ୍କ ରାୟର କିଛି ଦିନ ପରେ ଏହି ଅଧ୍ୟାଦେଶ ଆସିଛି । ସୁପ୍ରିମକୋର୍ଟ ରାୟ ଶୁଣାଇଥିଲେ ଯେ  ପୋଲିସ ଏବଂ ଜମି ଉପରେ କେନ୍ଦ୍ର ସରକାର (ଏଲଜି) ର ଅଧିକାର ଥିବାବେଳେ ଅଧିକାରୀଙ୍କ ହସ୍ତାନ୍ତର, ପୋଷ୍ଟିଂ ଏବଂ ନିଯୁକ୍ତି ଉପରେ ଦିଲ୍ଲୀ ସରକାର (ଏଏପି) ର ଅଧିକାର ଅଛି । ଏଥିରେ ମୋଦୀ ସରକାର  ନିୟମ ସଂଶୋଧନ କରିଛନ୍ତି। GNCTD ଅଧିନିୟମ ଆଣି ଅଧିକାରୀଙ୍କ ଟ୍ରାନସଫର ଏବଂ ପୋଷ୍ଟିଂରେ ଏଲଜିଙ୍କ ଅଧିକାର ରହିବ ବୋଲି କହିଛନ୍ତି । ଏହି ନିୟମ ମାଧ୍ୟମରେ କେନ୍ଦ୍ର ସରକାରଙ୍କ ଦ୍ୱାରା ଏକ ଜାତୀୟ ରାଜଧାନୀ କ୍ଷେତ୍ର ସେବା ପ୍ରାଧିକରଣ ପ୍ରତିଷ୍ଠା କରାଯାଇଛି। ସ୍ଥାୟୀ କର୍ତ୍ତୃପକ୍ଷ ଦିଲ୍ଲୀର ମୁଖ୍ୟମନ୍ତ୍ରୀ, ଜିଏନସିଟିଡି ମୁଖ୍ୟ ସଚିବ ଏବଂ କେନ୍ଦ୍ରୀୟ ଗୃହ ମନ୍ତ୍ରଣାଳୟର ମୁଖ୍ୟ ସଚିବଙ୍କୁ ନେଇ ଗଠିତ ହେବ। ଏହି କର୍ତ୍ତୃପକ୍ଷ ହିଁ ଅଧିକାରୀଙ୍କ ସ୍ଥାନାନ୍ତର, ପୋଷ୍ଟିଂ, ନିଯୁକ୍ତି ଏବଂ ଭିଜିଲାନ୍ସ ଅଥରିଟି ସମ୍ବନ୍ଧରେ ସୁପାରିଶ କରିବେ। ମେ 11 ରେ, ଭାରତର ପ୍ରଧାନ ବିଚାରପତି (ସିଜେଇ) ଡିଏ ଚନ୍ଦ୍ରଚୁଦଙ୍କ ନେତୃତ୍ୱରେ ଏକ ପାଞ୍ଚ ଜଣିଆ ସମ୍ବିଧାନ ବେଞ୍ଚ ଦିଲ୍ଲୀ ବନାମ ୟୁନିଅନ ଅଫ୍ ଇଣ୍ଡିଆ ମାମଲାରେ ପୂର୍ବ ରାୟ ଶୁଣାଇଥିଲେ। ଅଦାଲତ କହିଥିଲେ ଯେ କେବଳ ତିନୋଟି ବିଷୟ ଉପରେ କେନ୍ଦ୍ରର କ୍ଷମତା ଅଛି ଯାହା ଭିଜିଲାନସ ଅର୍ଡର, ପୋଲିସ୍ ଏବଂ ଜମି ଅଟେ ଏବଂ ଦିଲ୍ଲୀ ସରକାରଙ୍କୁ ପଦବୀ ସୃଷ୍ଟି, ଅଧିକାରୀ ନିଯୁକ୍ତି ଏବଂ ସେମାନଙ୍କୁ ସ୍ଥାନାନ୍ତର କରିବାର କ୍ଷମତା ଦେଇଥିଲେ।