ରାହୁଲ ଗାନ୍ଧିଙ୍କୁ କଡ଼ା ସମାଲୋଚନା କଲେ ଜୟଶଙ୍କର

ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀଙ୍କୁ କଡା ସମାଲୋଚନା କରିଛନ୍ତି ବୈଦେଶିକ ମନ୍ତ୍ରୀ ଏସ ଜୟଶଙ୍କର । ଅରୁଣାଚଳ ସୀମାରେ  ଭାରତ-ଚାଇନା ସଂଘର୍ଷକୁ ନେଇ ରାହୁଲ ଗାନ୍ଧୀଙ୍କ ବକ୍ତବ୍ୟକୁ ସେ ନିନ୍ଦା କରିଛନ୍ତି । କଂଗ୍ରେସ ନେତା ରାହୁଲ ଗାନ୍ଧି ମୋଦି ସରକାରଙ୍କୁ ଟାର୍ଗେଟ କରିଥିବା ବେଳେ ଏହାକୁ ନେଇ ରାଜନୀତି ସରକାର ଏବଂ ବିରୋଧୀଙ୍କ ମଧ୍ୟ ତର୍କ ବିତର୍କ ଚାଲିଛି । ରାହୁଲ ଗାନ୍ଧିଙ୍କ ବୟାନକୁ ନେଇ ଭାରତ ବୈଦେଶିକ ମନ୍ତ୍ରୀ ଏସ ଜୟସଙ୍କର କଡ଼ା ସମାଲୋଚନା କରି କହିଛନ୍ତି ଯେ, ଭାରତ ଏବେ ଯେପରି ଚାଇନା ସୀମାରେ ସୁରକ୍ଷା ବଳ ନିୟୋଜିତ କରିପାରିଛି ତାହା ଆଗରୁ ସେମିତି ହୋଇନଥିଲା । ଚାଇନା ସେନାକୁ ମୁକାବିଲା ପାଇଁ ସୀମାରେ ଭାରତ ସମ୍ପୂର୍ଣ୍ଣ ପ୍ରସ୍ତୁତ ଅଛି ପୂର୍ବ ସରକାର ସମୟରେ କଣ ହୋଇଥିଲା ତାହା କଂଗ୍ରେସ ନେତାମାନେ ଭଲ ଭାବେ ଜାଣିଛନ୍ତି । ୨୦୨୦ରୁ ଭାରତ ବ୍ୟାପକ ଭାବେ ସୀମାରେ ସୁରକ୍ଷାବାହିନୀଙ୍କୁ ମୁତୟନ କରିଛି। ସୀମାରେ ସେନା କିପରି କାମ କରୁଛି ତାହା ସେନା ହିଁ ଜାଣିଛି । ରାହୁଲ ଗାନ୍ଧୀ ସୀମାକୁ ଯାଇ ପ୍ରଥମେ ସେନା କିପରି କାମ କରୁଛି ଦେଖନ୍ତୁ ପରେ ସେନାର କାମ କୁ ନେଇ ବକ୍ତବ୍ୟ ଦିଅନ୍ତୁ । ଏହା ସହ ଜୟଶଙ୍କର କହିଛନ୍ତି ରାଜନୀତି ହେଉଛି ରାଜନୀତି। ରାହୁଲ କଣ କୁହନ୍ତି ସେ ମଧ୍ୟ ଜାଣନ୍ତି ନାହିଁ । ସୀମାରେ ଭାରତୀୟ ସେନା ସମ୍ପୂର୍ଣ୍ଣ ସତର୍କ ଅଛି ଏହା ସାରା ଦେଶବାସୀ ଜାଣିଛନ୍ତି । ଶତ୍ରୁ ରାଷ୍ଟ୍ର ପକ୍ଷରୁ ଯେକୌଣସି କାର୍ଯ୍ୟକାଳାପକୁ ମୁକାବିଲା କରୁଛନ୍ତି ଭାରତୀୟ ସୈନ୍ୟ । ଚାଇନା ସୀମାରେ ଅନୁପ୍ରବେଶକୁ ଜବାବ ଦେବାକୁ ସେନା ପ୍ରସ୍ତୁତ ରହିଛି । ରାହୁଲ ଗାନ୍ଧି କହିଥିଲେ ଯେ,  ରାହୁଲ ଗାନ୍ଧି କହିଥିଲେ ଯେ, ଚାଇନା ଯୁଦ୍ଧ ପାଇଁ ପ୍ରସ୍ତୁତ ହେଉଛି, କିନ୍ତୁ ଭାରତ ସରକାର ଶୋଇଛି। ସୈନିକମାନେ ମାଡ଼ ଖାଉଛନ୍ତି ।