ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ଦ୍ଦେଶ କ୍ରମେ ଭାରତ ତୁର୍କୀକୁ ତୁରନ୍ତ ସହାୟତାର ହାତ ବଢାଇଛି

ନୂଆଦିଲ୍ଲୀ : ୩ ଶକ୍ତିଶାଳୀ ଭୂକମ୍ପରେ ଦୋହଲିଗଲା ତୁର୍କୀ ଓ ସିରିଆ  । ବଦଳିଯାଇଛି ଦୁଇ ଦେଶର ପାରିପାଶ୍ବିକ ବାତାବରଣର ଚିତ୍ର । ବିଲ୍ଡିଂର ଭଗ୍ନାବଶେଷର ରାସ୍ତା ଘାଟ ସବୁ ଅବରୋଧ । ସେପଟେ ଜାରି ରହିଛି ଉଦ୍ଧାରକାର୍ଯ୍ୟ । ପ୍ରକୃତିର ଏହି ଭୟଙ୍କର ତାଣ୍ଡବରେ ମୃତ୍ୟୁ ସଂଖ୍ୟା ୪ ହଜାର ପାର କରି ସାରିଲାଣି  ।

ସେପଟେ ତୁର୍କୀରେ ସପ୍ତାହେ ବ୍ୟାପୀ ଜାତୀୟ ଶୋକ ଘୋଷଣା କରାଯାଇଛି । ଆଉ ଏହାରି ଭିତରେ ତୁର୍କୀକୁ ସହାୟତାର ହାତ ବଢାଇଛି ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ଦ୍ଦେଶ କ୍ରମେ ଭାରତ ତୁର୍କୀକୁ ତୁରନ୍ତ ସହାୟତାର ହାତ ବଢାଇଛି । ଏନଡିଆରଏଫର ରେସକ୍ୟୁ ଟିମ୍, ଔଷଧ ଏବଂ ମେଡିକାଲ ଟିମ୍ ତୁର୍କୀ ପହଞ୍ଚିଛନ୍ତି ।

ଏହା ପୂର୍ବରୁ ପିଏମ୍ ମୋଦି ତୁର୍କୀର ରାଷ୍ଟ୍ରପତିଙ୍କ ଟ୍ୱିଟରେ ଦୁଃଖ ପ୍ରକାଶ କରି କହିଛନ୍ତି, ତୁର୍କୀରେ ଯେଉଁସବୁ ଧନଜୀବନ କ୍ଷତି ହୋଇଛି ସେଥିପାଇଁ ମୁଁ ଦୁଃଖିତ । ଶୋକ ସନ୍ତପ ପରିବାର ପ୍ରତି ମୋର ସମ୍ବେଦନା ରହିଛି । ଆଶା କରୁଛି ଯେଉଁମାନେ ଏହି ଭୂମୀକମ୍ପରେ ଗୁରୁତର ଆହତ ହୋଇଛନ୍ତି ସେମାନଙ୍କୁ ତୁରନ୍ତ ଚିକିତ୍ସା ମିଳିବା ସହ ସେମାନେ ଶୀଘ୍ର ସୁସ୍ଥ ହୋଇଯିବେ ।