ଟ୍ରୁଡ଼ୋ ସବୁଠୁ ବିଫଳ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ଏକ ଜନମତ ସର୍ଭେ ଅନୁଯାୟୀ କାନାଡ଼ାର ପ୍ରଧାନମନ୍ତ୍ରୀଙ୍କ ଲୋକପ୍ରିୟତା କମିବାରେ ଲାଗିଛି । ବିରୋଧୀ ଦଳ ନେତାଙ୍କୁ ଲୋକେ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁଛନ୍ତି । ଭାରତ ବିରୋଧରେ ମତ ଦେବା ପରେ ଏବେ ସାରା ବିଶ୍ବରେ ତାଙ୍କୁ ନେଇ ଚର୍ଚା ହେଉଛି । ବିଶେଷ କରି ମୋଦି ସରକାର ମଧ୍ୟ କାନାଡାକୁ ମୁହଁ ତୋଡା ଜବାବ ଦେଉଛନ୍ତି । ଖଲିସ୍ତାନୀ ଆତଙ୍କବାଦୀଙ୍କ ପ୍ରସଙ୍ଗରେ ମୋଦି ସରକାର କୋହଳ ମନଭାବ ଦେଖାଉନାହାଁନ୍ତି । ସେପଟେ କାନାଡାରେ ୪୦ ପ୍ରତିଶତ ନାଗରିକ ବିରୋଧୀ ଦଳ ନେତା ପିୟର୍ ପୋଲିବରେଙ୍କୁ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହାନ୍ତି। ନିର୍ବାଚନ ଯଦି ଆଜି ହେବ ତେବେ ପିୟର୍ଙ୍କୁ ୩୯ ପ୍ରତିଶତ ଭୋଟ୍ ମିଳିବ ଏବଂ ଟ୍ରୁଡୋଙ୍କୁ ମାତ୍ର ୩୦ ପ୍ରତିଶତ ଭୋଟ୍ ମିଳିବ। ସେହିପରି ଅନ୍ୟ ଏକ ସର୍ଭେରୁ ଜଣାପଡ଼ିଛି ଯେ ଟ୍ରୁଡୋ ହେଉଛନ୍ତି ୫୦ ବର୍ଷ ମଧ୍ୟରେ ସବୁଠୁ ଖରାପ ଏବଂ ବିଫଳ ପ୍ରଧାନମନ୍ତ୍ରୀ। ଖଲିସ୍ତାନୀ ଆତଙ୍କବାଦୀ ହରଦୀପ ସିଂହ ନିଜାର ହତ୍ୟା ମାମଲାରେ ଭାରତର ସମ୍ପୃକ୍ତି ଥିବା ଦାବି କରୁଥିବା କାନାଡ଼ା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଭୋଟରଙ୍କ ବିଶ୍ବାସ ହରାଇଛନ୍ତି। ଟ୍ରୁଡୋଙ୍କ ଲୋକପ୍ରିୟତା ସାଂଘାତିକ ଭାବେ କମିଛି। ଆଗାମୀ ଦିନରେ ତାଙ୍କ ସରକାର ଆସିବା ସଂଭାବନା ମଧ୍ୟ କମ ରହିଛି ।