କାର୍ଗିଲ ବିଜୟ ଦିବସ ଉପଲକ୍ଷେ ପର୍ଯ୍ୟଟକଙ୍କ ପାଇଁ ଲଦାଖରେ ଖଲୁବର ଯୁଦ୍ଧ ସ୍ମାରକୀ ଖୋଲିଛି

କାର୍ଗିଲ ଯୁଦ୍ଧର ବୀରଙ୍କୁ ଶ୍ରଦ୍ଧାଞ୍ଜଳି ଜଣାଇ ଭାରତୀୟ ସେନା ପର୍ଯ୍ୟଟକଙ୍କ ପାଇଁ ଲଦାଖରେ ଖଲୁବର ଯୁଦ୍ଧ ସ୍ମାରକୀ ଖୋଲିଛି। ଚଳିତ ବର୍ଷ ଜୁଲାଇ ୨୬ରେ ଦେଶ କାର୍ଗିଲ ବିଜୟ ଦିବସର ୨୫ତମ ବାର୍ଷିକୀ ପାଳନ କରିବାକୁ ଯାଉଛି ଏବଂ ଏହି ଉଦଘାଟନୀ ସମାରୋହ ‘ଫରଏଭର ଇନ୍ ଅପରେସନ୍’ ଡିଭିଜନର ପ୍ରାକ୍-କାର୍ଗିଲ ବିଜୟ ଦିବସ ଉତ୍ସବର ଏକ ଅଂଶ। ପ୍ରସିଦ୍ଧ ଆର୍ଯ୍ୟ ଉପତ୍ୟକାରେ ଅବସ୍ଥିତ ଏହି ସ୍ମାରକୀ ଉପତ୍ୟକାକୁ ପୁନରୁଦ୍ଧାର କରିବା ପାଇଁ ସଂଗ୍ରାମ କରିଥିବା ସୈନିକମାନଙ୍କ ସାହସିକତା ଏବଂ ବଳିଦାନକୁ ମନେ ପକାଇଥାଏ।କାର୍ଗିଲ ଯୁଦ୍ଧ ସମୟରେ ଶତ୍ରୁ ସେନା ସୀମା ନିକଟରେ ଥିବା ଖଲୁବର ଉପତ୍ୟକାକୁ ଦଖଲ କରିଥିଲା। କ୍ୟାପଟେନ୍ ମନୋଜ ପାଣ୍ଡେଙ୍କ ସମେତ ଭାରତୀୟ ଯବାନଙ୍କ ବୀରତ୍ୱପୂର୍ଣ୍ଣ ଉଦ୍ୟମରେ ଏହି ଅଞ୍ଚଳକୁ ପୁନରୁଦ୍ଧାର କରାଯାଇଥିଲା। ଏହି ବୀର ସୈନିକମାନଙ୍କ ସାହସିକ କାର୍ଯ୍ୟକୁ ଖଲୁବର ଯୁଦ୍ଧ ସ୍ମାରକୀରେ ପ୍ରଦର୍ଶିତ କରାଯାଇଛି। ଏହି ଲଢେଇରେ ସ୍ଥାନୀୟ ପୁରୁଷ ଓ ମହିଳାମାନେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।