୫ ପ୍ରତିଶତ ଦୁଇଚକିଆ ଓ ୨ ପ୍ରତିଶତ କାର୍ ହେଉଛି ଇଭି

ଦେଶରେ ଇଲେକ୍ଟ୍ରିକ୍ ଯାନ (ଇଭି) ଗ୍ରହଣୀୟତା ବଢ଼ିବାରେ ଲାଗିଛି। ବାହନ ପୋର୍ଟାଲ ତଥ୍ୟ ଅନୁସାରେ ଚଳିତ ବର୍ଷ ବିକ୍ରି ହୋଇଥିବା ୫୩.୬୧ ପ୍ରତିଶତ ତିନିଚକିଆ, ୫ ପ୍ରତିଶତ ଦୁଇଚକିଆ ଓ ୨ ପ୍ରତିଶତ କାର୍ ହେଉଛି ଇଭି। ଦୁଇଚକିଆ ଏକ ବହୁତ ବଡ଼ ବଜାର ହୋଇଥିବାରୁ ସେଥିରେ ଇଭି ଗ୍ରହଣୀୟତା ବୃଦ୍ଧି ପାଇବା ଉତ୍ସାହଜନକ ବିଷୟ ଭାବେ ବିଚାର କରାଯାଉଛି। କାର୍‌ ତୁଳନାରେ ଇଲେକ୍ଟ୍ରିକ୍ ବସ୍‌ର ଗ୍ରହଣୀୟତା ହାର ଅଧିକ ରହିଛି। ମୋଟ ବସ୍ ବିକ୍ରିରେ ଇଲେକ୍ଟ୍ରିକ୍ ବସ୍‌ର ଭାଗ ୩.୨୦ ପ୍ରତିଶତ ରହିଛି। ସହରରେ ପ୍ରଦୂଷଣ ହ୍ରାସ କରିବା ଏବଂ ସ୍ବଚ୍ଛ ଇନ୍ଧନ ଚଳାଚଳକୁ ପ୍ରୋତ୍ସାହିତ କରିବା ଲାଗି ସ୍ଥାୟୀ ଗମନାଗମନ ସମାଧାନକୁ କିଭଳି ଗୁରୁତ୍ବ ଦିଆଯାଉଛି, ତାହାର ଏହା ହେଉଛି ଏକ ପ୍ରମାଣ।