ଟିଭିଏସ୍ର ନୂତନ ମଡେଲସ
ଟିଭିଏସ୍ ମୋଟର କମ୍ପାନୀର ନୂତନ ମଡେଲସ ‘ଟିଭିଏସ୍ ଏନ୍ଟିଓଆର୍କ୍ୟୁ ୧୨୫ ଏବଂ ଟିଭିଏସ୍ ଏନ୍ଟିଓଆର୍କ୍ୟୁ ରେସ ଏକ୍ସପି’କୁ ନିକଟରେ ଅନାବରଣ (ଉନ୍ମୋଚନ) କରାଯାଇଛି। ଏପରି କି ଟିଭିଏସ୍ର ଉଭୟ ମଡେଲ ଟିଭିଏସ୍ ଏନ୍ଟିଓଆର୍କ୍ୟୁ ୧୨୫କୁ ଯୁବ ପ୍ରଫେଶନାଲ୍ମାନଙ୍କ ପାଇଁ ଏବଂ ଅତୁଳନୀୟ ଶକ୍ତି ଚାହୁଁଥିବା ରେସ୍ ପ୍ରେମୀଙ୍କ ପାଇଁ ଟିଭିଏସ୍ ଏନ୍ଟିଓଆର୍କ୍ୟୁ ରେସ୍ ଏକ୍ସପି ସିରିଜ୍କୁ ମଧ୍ୟ ଡିଜାଇନ କରାଯାଇଛି।ଏ ସମ୍ପର୍କରେ ଟିଭିଏସ୍ ମୋଟର କମ୍ପାନୀର ଉପସଭାପତି (ମାର୍କେଟିଂ -ସ୍କୁଟର, କମୁଟର ମୋଟରସାଇକେଲ୍ ଓ କର୍ପୋରେଟ୍ ବ୍ରାଣ୍ଡ) ଅନିରୁଦ୍ଧ ହାଲଦାର କହିଛନ୍ତି, ଟିଭିଏସ୍ ମୋଟରରେ ଆମେ ଆତ୍ମପରିପ୍ରକାଶ ପାଇଁ ଗ୍ରାହକମାନଙ୍କୁ ଏକ ପ୍ଲାଟଫର୍ମ ଦେବାକୁ ଉଦ୍ୟମ କରୁଛୁ। ସେହି ଭିଜନ ପ୍ରତି ଆମ ପ୍ରତିବଦ୍ଧତାକୁ ଟିଭିଏସ୍ ଏନ୍ଟିଓଆର୍କ୍ୟୁ୧୨୫ ଓ ଟିଭିଏସ୍ ଏନ୍ଟିଓଆର୍କ୍ୟୁ ରେସ ଏକ୍ସପି ପରିପ୍ରକାଶ କରୁଛି। ଏପରି କି ନୂଆ ଆକର୍ଷଣୀୟ ରଙ୍ଗ ଭାରିଆଣ୍ଟ ସ୍କୁଟର ଡିଜାଇନ୍କୁ ଏକ ଆଧୁନିକ ଦୃଷ୍ଟିକୋଣ ପ୍ରଦାନ କରିଥିବାବେଳେ ଉତ୍ସାହ ଓ ଆତ୍ମ ପରିପ୍ରକାଶକୁ ସମନ୍ବିତ କରିଛି। ଟିଭିଏସ୍ ଏନ୍ଟିଓଆର୍କ୍ୟୁ୧୨୫ରେ ୧୨୪.୮ ସିସିର ତିନି ଭାଲଭ୍ ଇଞ୍ଜିନ ସାମିଲ ରହିଛି, ଯାହା ୯.୫ ପିଏସ୍ ଓ ୧୦.୬ ଏନ୍ଏମ୍ ଟର୍କ ଉପତ୍ନ୍ନ କରୁଛି। ଏଥିରେ ବ୍ଲୁ ଟୁଥ୍ ସଂଯୋଗ, ସମ୍ପୂର୍ଣ୍ଣ ଡିଜିଟାଲ୍ ଡିସ୍ପ୍ଲେ, ଡୁଆଲ୍ ରାଇଡ୍ ମୋଡ୍ ଓ ସିଗ୍ନେଚର ଏଲ୍ଇଡି ଲ୍ୟାମ୍ପ୍ ଆଦି ସାମିଲ ରହିଛି। ଏହି ସ୍କୁଟର ଏକ ଅତୁଳନୀୟ ଗାଡ଼ି ଚାଳନା ଅନୁଭୂତି ପ୍ରଦାନ କରୁଛି; ଯେଉଁଥିରେ ଉତ୍ତମ ପ୍ରଦର୍ଶନ, ସୁବିଧାସୁଯୋଗ ଓ ଷ୍ଟାଇଲ୍ର ମିଶ୍ରଣ ସାମିଲ ରହିଛି। ରୋମାଞ୍ଚ ଚାହୁଁଥିବା ଗ୍ରାହକମାନଙ୍କ ଲାଗି ଟିଭିଏସ ଏନ୍ଟିଓଆର୍କ୍ୟୁ ରେସ ଏକ୍ସପିକୁ ପ୍ରସ୍ତୁତ କରାଯାଇଛି। ଏଥିରେ ୧୨୪.୮ ସିସିର ତିନି ଭାଲ୍ଭ ଇଞ୍ଜିନ ସାମିଲ ରହିଛି, ଯାହା ୧୦.୨ପିଏସ୍ ଓ ୧୦.୯ଏନ୍ଏମ୍ ଟର୍କ ସୃଷ୍ଟି କରୁଛି; ଯାହା ଏହାକୁ ଏକ ଶକ୍ତିଶାଳୀ ସ୍କୁଟରରେ ପରିଣତ କରିଛି। ଏଥିରେ ଷ୍ଟାଇଲିସ୍ ଓ ତୀକ୍ଷ୍ଣ ଗ୍ରାଫିକ୍ସ ଫିଚର ରହିଛି। ଏପରି କି ରାତ୍ରିକାଳୀନ ଅନୁଭୂତି ପାଇଁ ଏହାର ଅତ୍ୟାବଶ୍ୟକ ପାର୍ଟସ୍ଗୁଡ଼ିକୁ ଡିଜାଇନ୍ କରାଯାଇଛି।