ଆଇଫୋନ୍ ଉତ୍ପାଦନ କରିବ ଟାଟା ଗ୍ରୁପ୍‌

ଟାଟା ଗ୍ରୁପ୍ ବହୁତ ଜଲ୍‌ଦି ଆଇଫୋନ୍ ଉତ୍ପାଦନ ଆରମ୍ଭ କରିବ । କମ୍ପାନୀ ଉଭୟ ଲୋକାଲ୍‌ ଏବଂ ଗ୍ଲୋବାଲ୍‌ ମାର୍କେଟ୍‌ ପାଇଁ ଆଇଫୋନ୍ ଉତ୍ପାଦନ କରିବ। ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରୀ ରାଜୀବ ଚନ୍ଦ୍ରଶେଖର ଏହି ସୂଚନା ଦେଇଛନ୍ତି। କେନ୍ଦ୍ର ମନ୍ତ୍ରୀ ରାଜୀବ ଚନ୍ଦ୍ରଶେଖର ଏ ନେଇ ସୋସିଆଲ ମିଡିଆ ସାଇଟ୍‌ ‘ଏକ୍ସ’ରେ ପୋଷ୍ଟ କରିଛନ୍ତି। କମ୍ପାନୀ ବର୍ତ୍ତମାନ ଅତ୍ୟାଧୁନିକ ମଡେଲ ଉତ୍ପାଦନ ଭାରତରେ ଆରମ୍ଭ କରିଛି। ଏଥର ଲଞ୍ଚ ହୋଇଥିବା ଆଇଫୋନ୍ 15 ମଧ୍ୟ ଭାରତରେ ଉତ୍ପାଦିତ ହୋଇଛି ଏବଂ ପ୍ରଥମ ଦିନରୁ ବଜାରରେ ବିକ୍ରି ହେଉଛି। ଟାଟା ଭାରତରେ ଆଇଫୋନ୍ ଉତ୍ପାଦନ ପାଇଁ ତାଇୱାନର କମ୍ପାନୀ Wistron Corp କୁ ଅଧିଗ୍ରହଣ କରିଛି।