ହକି ବିଶ୍ବକପ ଅବସରରେ ହୋଟେଲ ପ୍ରେସିଡେନସିରେ ଭବ୍ୟ ବନ୍ଧୁମିଳନ କାର୍ଯ୍ୟକ୍ରମ

ଭୁବନେଶ୍ବର: ହୋଟେଲ ପ୍ରେସିଡେନସି ତରଫରୁ ହକି ବିଶ୍ବକପ ଅବସରରେ ଭବ୍ୟ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଭାରତୀୟ ହକି ଫେଡେରେସନର ସଭାପତି ଦିଲ୍ଲୀପ ତିର୍କୀ, ମହାରାଷ୍ଟ୍ର ସରକାରଙ୍କ ତରଫରୁ ଦୀପକ ହାରକେ, ଇଣ୍ଡିଆନ ଆର୍ମି ତରଫରୁ କର୍ଣ୍ଣେଲ ସାଗର ମହାନ୍ତିଙ୍କ ସହ ଓଡ଼ିଶା, ଭାରତ ଏବଂ ବିଦେଶର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।

ଏହି କାର୍ଯ୍ୟକ୍ରମରେ ମେଟ୍ରୋ ଗ୍ରୁପର ଚେୟାରମ୍ୟାନ ପିୟୂଷ ମହାନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏଭଳି ବିଶ୍ବକପ ଆୟୋଜନ କରିବା ପାଇଁ ମନସ୍ଥ କରିଥିବାରୁ ଅଶେଷ ଅଶେଷ ଧନ୍ୟବାଦ ଦେବା ସହ ପ୍ରଶଂସା କରିଥିଲେ । ପୃଥିବୀ ମାନଚିତ୍ରରେ ଓଡ଼ିଶାକୁ ଏକ ପ୍ରମୁଖ ପରିଚୟ ଦେଇଥିବାରୁ  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଓଡ଼ିଶାବାସୀ ସହଯୋଗ କରନ୍ତୁ ବୋଲି ଶ୍ରୀ ମହାନ୍ତି ଆହ୍ବାନ ଦେଇଥିଲେ । ଟେମ୍ପଲ ସିଟି ଏବେ  ପ୍ରାଇମ ସହର ହକି କ୍ୟାପିଟାଲ କହିଲେ ଅନୁଚିତ ହେବ ନାହିଁ  । ଖେଳ ଆୟୋଜନରେ ମୁଖ୍ୟମନ୍ତ୍ରୀଙ୍କ ସମସ୍ତ ଟିମ ସଦସ୍ୟଙ୍କୁ ଧନ୍ୟବାଦ ଦେଇଥିଲେ ଶ୍ରୀ ମହାନ୍ତି । ଖେଳକୁ ଆଗକୁ ବଢ଼ାଇବା ପାଇଁ ହୋଟେଲ ପ୍ରେସିଡେନସି ମଧ୍ୟ ନିଜ କାର୍ଯ୍ୟ କରୁଛି । ଏଭଳି ସମୟରେ ହୋଟେଲ ପ୍ରେସିଡେନସି ବନ୍ଧୁମିଳିନ କାର୍ଯ୍ୟକ୍ରମ ଆୟୋଜନ କରିଛି । ଏଥିରେ ସମସ୍ତେ ଆନନ୍ଦର ସହ ସାମିଲ ହୋଇଛନ୍ତି  । ବନ୍ଧୁମିଳନ କାର୍ଯ୍ୟକ୍ରମରେ ବ୍ରହ୍ମକୁମାରୀ ଭଉଣୀମାନେ ମଧ୍ୟ ଯୋଗ ଦେଇଛନ୍ତି ।