ଗୁଜରାଟ ଟାଇଟନ୍ସ ୯ ୱିକେଟ୍‌ରେ ରାଜସ୍ଥାନ ରୟାଲ୍ସକୁ ହରାଇଲା

ଗୁଜରାଟ ଟାଇଟନ୍ସ ସହଜ ବିଜୟ ହାସଲ କରିଛି । ପ୍ରଶଂସକମାନେ ଏଥର ମଧ୍ୟ ଗୁଜରାଟ ଟାଇଟଲ ବିଜୟୀ ହେବ ବୋଲି କହିବା ଆରମ୍ଭ କରିଲେଣି ।  ହାର୍ଦିକ ପାଣ୍ଡ୍ୟାଙ୍କ ଦଳ ୯ ୱିକେଟ୍‌ରେ ରାଜସ୍ଥାନ ରୟାଲ୍ସକୁ ହରାଇ  ଶୀର୍ଷ ସ୍ଥାନରେ ରହିଛି । ରାଜସ୍ତାନକୁ ୧୧୮ ରନ୍‌ରେ ରୋକି ଦେଇଥିଲେ ଗୁଜରାଟ ବୋଲର। ରିଦ୍ଧିମାନ ସାହା ୪୧ରନ୍, ହାର୍ଦିକ ପାଣ୍ଡ୍ୟା ୩୯ ରନ୍, ଶୁବମନ ଗିଲ୍‌ ୩୬ ରନ୍ କରିବା ପରେ ସହଜରେ ବିଜୟ ଲକ୍ଷ୍ୟରେ ପହଞ୍ଚିଯାଇଥିଲା।  ଟସ୍‌ ଜିତି ପ୍ରଥମେ ବ୍ୟାଟିଂ ନେଇଥିବା ରାଜସ୍ଥାନ ୧୧୮ ରନ୍‌ରେ ସମସ୍ତ ୱିକେଟ୍‌ ହରାଇଥିଲା।  ଜୋସ୍‌ ବଟଲର୍‌ ୮ ରନ୍ କରିଥିଲେ ।  ଯଶସ୍ବୀ ଜୟସ୍ବାଲ୍‌ ୧୪ ରନ କରି ରନ୍‌ଆଉଟ୍‌ ହୋଇଯାଇଥିଲେ। ସଂଜୁ ସାମସନ୍‌ ୩୦ ରନ୍ କରିଥିଲେ । ଟ୍ରେଣ୍ଟ ବୋଲ୍ଟ ୧୫ ରନ୍ କରିଥିଲେ । ମ୍ୟାନ ଅଫ ଦି ମ୍ୟାଚ ଟ୍ରଫି ରସିଦ ଖାନଙ୍କୁ ପ୍ରଦାନ କରାଯାଇଥିଲା ।