କ୍ୟାପିଟାଲ୍ସକୁ ହରାଇଲା ଜାଏଣ୍ଟସ୍‌

ଲକ୍ଷ୍ନୌ : ଲକ୍ଷ୍ନୌ ସୁପର୍ ଜାଏଣ୍ଟସ୍ ର ସହଜ  ବିଜୟ । ରାହୁଲଙ୍କ ଦଳ ଦିଲ୍ଲୀ କ୍ୟାପିଟାଲ୍ସକୁ ୫୦ ରନ୍‌ରେ ପରାସ୍ତ କରିଛି। ପ୍ରଥମ ୫ ୱିକେଟ୍‌ ନେଇଥିବା ମାର୍କ ଉଡ୍‌ ମ୍ୟାଚ୍‌ର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ।

ଦିଲ୍ଲୀ କ୍ୟାପିଟାଲ୍ସ ଟସ୍ ଜିତି କ୍ଷେତ୍ରରକ୍ଷଣ କରିଥିବା ବେଳେ ରାହୁଲଙ୍କ ଦଳ ଲକ୍ଷ୍ନୈା ବଡ଼ ସ୍କୋର କରିଥିଲା । ୧୨ ବଲ୍‌ରୁ ୮ ରନ୍ କରିଥିଲେ ରାହୁଲ । କାଏଲ୍ ମାୟର୍ସ ୩୮ ବଲ୍‌ରୁ ୭୩ ରନ୍‌ ଏବଂ ନିକୋଲାସ ପୂରନ ୨୧ ବଲ୍‌ରୁ ୩୬ ରନ୍‌କରିଥିଲେ ।  ରାହୁଲଙ୍କ ଦଳ ୧୯୩ ରନ୍‌ର ଆହ୍ବାନଭରା ସ୍କୋର୍‌ ଛିଡ଼ା କରିଥିଲା।

ଦିଲ୍ଲୀ କ୍ୟାପିଟାଲ୍ସ ପ୍ରଥମରୁ ଭଲ ଖେଳିଥିଲା ।  କିନ୍ତୁ ପଞ୍ଚମ ଓଭରରେ ମାର୍କ ଉଡ୍‌ ଲଗାତାର ବଲ୍‌ରେ ପୃଥ୍ବୀ ସ’ ଓ ମିଚେଲ୍ ମାର୍ସଙ୍କୁ ଆଉଟ୍ କରି ଦଳକୁ ପ୍ରତ୍ୟାବର୍ତନ କରାଇଥିଲେ। ଦକ୍ଷିଣ ଆଫ୍ରିକୀୟ ତାରକା ରିଲି ରୁସୋ ୨୦ ବଲ୍‌ରୁ ୩୦ ରନ୍ କରିଥିଲେ ମଧ୍ୟ ଲେଗସ୍ପିନର୍‌ ରବି ବି‌ଷ୍ଣୋଇଙ୍କ ଦ୍ବାରା ଏଲବିଡବ୍‌ଲ୍ୟୁ ଘୋଷିତ ହୋଇ ଫେରିଥିଲେ। ଅଧିନାୟକ ଭାବେ ଦାୟିତ୍ବର ସହ ବ୍ୟାଟିଂ କରି ଡେଭିଡ୍ ୱାର୍ଣ୍ଣର (୪୮ ବଲ୍‌ରୁ ୫୬ ରନ୍‌) ଆଶା ‌ଦେଖାଇଥିଲେ ମଧ୍ୟ ୧୬ତମ ଓଭରରେ ତାଙ୍କ ବିଦାୟ ଦିଲ୍ଲୀର ପରାଜୟକୁ ନିଶ୍ଚିତ କରିଥିଲା।