ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ସହାୟତା ରାଶି ଫେରାଇଦେଲେ ଅଭିଷେକଙ୍କ ପତ୍ନୀ

ମେଟ୍ରୋ ଟିଭି ଓଡିଶା,୧୭/୧: ବହୁ ଚର୍ଚ୍ଚିତ ଅଭିଷେକ ମହାପାତ୍ର ଙ୍କ ମୃତ୍ୟୁ ପରେ ତାଙ୍କ ସହଧର୍ମିଣୀ ଚିକିତ୍ସା ପାଇଁ ପାଇଥିବା ସହାୟତା ରାଶିକୁ ମୁଖ୍ୟମନ୍ତ୍ରୀ ଙ୍କ ରିଲିଫ ପାଣ୍ଠି କୁ ଫେରାଇଲେ ପତ୍ନୀ ମୌସୁମୀ ମହାନ୍ତି । ଏହି ଉପଲକ୍ଷେ ଆଜି ମୃତ ଅଭିଷେକ ମହାପାତ୍ର ଙ୍କ ସହଧର୍ମିଣୀ, ତାଙ୍କ ବାପା ଏବଂ ସମ୍ପର୍କୀୟ ମାନେ ଭଦ୍ରକ ଜ଼ିଲ୍ଲାପାଳଙ୍କ ପାଖକୁ ଆସି ମୋଟ ୪୦ ଲକ୍ଷ ଟଙ୍କା ର ଡ୍ରାଫ୍ଟ ପ୍ରଦାନ କରିଛନ୍ତି । ସେଥିମଧ୍ୟରୁ ୩୦ ଲକ୍ଷ ଟଙ୍କା ମୁଖ୍ୟମନ୍ତ୍ରୀ ଙ୍କ ରିଲିଫ ପାଣ୍ଠି କୁ ଏବଂ ୧୦ ଲକ୍ଷ ଟଙ୍କା ଜ଼ିଲ୍ଲା ରେଡକ୍ରସ ପାଣ୍ଠି କୁ ପ୍ରଦାନ କରିଛନ୍ତି ।

ସୂଚନା ଯୋଗ୍ୟ ଯେ, ବାସୁଦେବପୁର ମନ୍ଦାରି ଅଞ୍ଚଳର ଅଭିଷେକ ମହାପାତ୍ର ଗତବର୍ଷ ମେ ମାସ ରେ ବିବାହ ର ମାତ୍ର ୮ ଦିନ ପରେ କରୋନା ରେ ଆକ୍ରାନ୍ତ ହୋଇ ଗୁରୁତର ହୋଇପଡିଥିଲେ । ତେବେ ତାଙ୍କର ଆର୍ଥିକ ଅବସ୍ଥା ସ୍ଵଛଳ ନଥିବାରୁ, ତାଙ୍କ ନବ ବିବାହିତା ସ୍ତ୍ରୀ ବିଭିନ୍ନ ଗଣମାଧ୍ୟମ ଜରିଆରେ ହାତ ଯୋଡି ଚିକିତ୍ସା ସହାୟତା ପାଇଁ ହାତ ଯୋଡି ନିବେଦନ କରିଥିଲେ । ତେଣୁ ଓଡିଶା ସମେତ ବିଭିନ୍ନ ସ୍ଥାନ ରୁ ବହୁ ବଦାନ୍ୟ ବ୍ୟକ୍ତି ମାନେ ତାଙ୍କୁ ଆର୍ଥିକ ସହାୟତା କରିଥିଲେ । ଫଳରେ ଅଭିଷେକ ଙ୍କ ଏକମୋ ଚିକିତ୍ସା ପାଇଁ ବସକ୍ସ କ୍ଷସଲଗ୍ଧସଦ୍ଭଶ କୋଲକତା କରାଯାଇଥିଲା. ତେବେ ଚିକିତ୍ସାଧିନ ଅବସ୍ଥାରେ ସେପ୍ଟେମ୍ବର ୩ ତାରିଖ ରେ ମୃତ୍ୟୁ ହୋଇଥିଲା । ସ୍ୱାମୀ ର ମୃତ୍ୟୁ ପରେ ସବୁ ହରାଇ, ଭାଙ୍ଗି ପଡ଼ିଥିଲେ ସ୍ତ୍ରୀ ମୌସୁମୀ. କିନ୍ତୁ ତାଙ୍କୁ ଅସୁବିଧା ସମୟରେ ଯେଉଁ ବଦାନ୍ୟ ବ୍ୟକ୍ତି ମାନେ ସହାୟତା କରିଥିଲେ , ତାଙ୍କୁ ସେ ଭୁଲିନଥିଲେ. ତେଣୁ ସ୍ୱାମୀ ଙ୍କୁ ହରାଇବା ପରେ ଯାହା କିଛି ଅର୍ଥ ନିଜ ପାଖରେ ଥିଲା. ଶେଷରେ ସେ ଆଜି ଜ଼ିଲ୍ଲା ପାଳ ଙ୍କ ଜରିଆରେ ସମାଜ ର କଲ୍ୟାଣ ପାଇଁ ୩୦ ଲକ୍ଷ ଟଙ୍କା ପ୍ରଦାନ କରିଲେ । ତେବେ ଏହି ଟଙ୍କା କୁ ଯେଭଳି ତାଙ୍କ ସ୍ୱାମୀ ର ଅବସ୍ଥା ଜାଣି ଲୋକ ମାନେ ସହାୟତା କରିଥିଲେ, ସେହିଭଳି ଏହି ଅର୍ଥ ଅନ୍ୟ ମାନଙ୍କ ଚିକିତ୍ସାରେ ସହାୟକ ହୋଇପାରିବ ଅନୁଭବ କରି ମୁଖ୍ୟମନ୍ତ୍ରୀ ଙ୍କ ରିଲିଫ ଫଣ୍ଡ କୁ ପ୍ରଦାନ କରିଛନ୍ତି ମୌସୁମୀ ।

• Facebook
• Instagram
• Twitter
• YouTube