ଆଜି ଦେଶକୁ ମିଳିବେ ନୂତନ ରାଷ୍ଟ୍ରପତି

ଗୁରୁବାର ଅପରାହ୍ନ ୪ ଟା ସୁଦ୍ଧା ରାଷ୍ଟ୍ରପତି ନିର୍ବାଚନର ଫଳାଫଳ ଘୋଷିତ ହେବା ପରେ ଭାରତକୁ ନୂଆ ରାଷ୍ଟ୍ରପତି ମିଳିଯିବେ। ଭୋଟ ଗଣତି ଗୁରୁବାର ସକାକ ୧୧ଟାରୁ ଆରମ୍ଭ ହୋଇଯାଇଛି। ଗୋଟିଏ ପଟେ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ଜିତିବାକୁ ନେଇ ଆଶ୍ବସ୍ତ ଥିବା ବିଜେପି ବିଜୟର ସବୁପ୍ରକାର ପ୍ରସ୍ତୁତି ଆରମ୍ଭ କରିଦେଇଛି। ବିଜେପିକୁ ଆଶା ରହିଛି ଯେ, ଦଳର ପ୍ରାର୍ଥୀ ଦ୍ରୌପଦୀ ମୁର୍ମୁ ବିରୋଧୀ ପ୍ରାର୍ଥୀ ୟଶବନ୍ତ ସିହ୍ନାଙ୍କୁ ହରାଇ ଦେବେ। ଝାଡଖଣ୍ଡର ପୂର୍ବତନ ରାଜ୍ୟପାଳ ଓ ଏନଡିଏ ପ୍ରାର୍ଥୀ ମୁର୍ମୁଙ୍କୁ ୪୪ ଟି ଦଳ ସମର୍ଥନ କରିଛି। ସେଭଳି ବିପକ୍ଷ ଦଳର ପ୍ରାର୍ଥୀ ଯଶୱନ୍ତ ସିହ୍ନାଙ୍କୁ ୩୪ଟି ଦଳ ସମର୍ଥନ କରିଛି। ତେବେ ଏହି ନିର୍ବାଚନରେ କ୍ରସ ଭୋଟିଂ କଥା ମଧ୍ୟ ସାମନାକୁ ଆସିଛି। ଫଳାଫଳ ଆସିବା ପରେ ଦେଶର ରାଷ୍ଟ୍ରପତି କିଏ ହେବ ତାହା ଜଣାପଡିବ।