କଂଗ୍ରେସରେ ମିଶିଲେ ୪ ପୂର୍ବତନ ପ୍ରଶାସନିକ ଅଧିକାରୀ

ଭୁବନେଶ୍ୱର: କଂଗ୍ରେସରେ ମିଶିଲେ ୪ ପୂର୍ବତନ ପ୍ରଶାସନିକ ଅଧିକାରୀ । ପ୍ରଭାରୀ ଚେଲା କୁମାର, ପିସିସି ସଭାପତିଙ୍କ ଉପସ୍ଥିତିରେ ଦଳରେ ମିଶିଲେ । ପୂର୍ବତନ ଆଇଏସଏସ ପଞ୍ଚାନନ ଦାସ ଓ ପୂର୍ବତନ ଆଇଏଏସ  ବିଶ୍ୱନାଥ ଆଚାର୍ଯ୍ୟ ସାମିଲ୍ ହେଲେ । ପୂର୍ବତନ ଓଏସ ରବୀନ୍ଦ୍ର ନାଥ ମିଶ୍ର ଓ ଉଦ୍ଧବ କର ମଧ୍ୟ ମିଶିଲେ । ଦୁଇ ଅବସରପ୍ରାପ୍ତ ଆଇଏଏସ ଅଧିକାରୀ  ପଞ୍ଚାନନ ଦାସ ଓ ବିଶ୍ୱନାଥ ଆଚାର୍ଯ୍ୟ ଏବଂ  ଦୁଇ ଜଣ ଓଏଏସ ଅଧିକାରୀ  ରବୀନ୍ଦ୍ରନାଥ ମିଶ୍ର ଓ ଉଦ୍ଧବ କର ଯୋଗଦେଇଥିବାରୁ ଦଳର ବରିଷ୍ଠ ନେତାମାନେ ସ୍ବାଗତ କରିଥିଲେ ।  କଂଗ୍ରେସରେ ଯୋଗଦେବା ପରେ ଅବସରପ୍ରାପ୍ତ ଅଧିକାରୀମାନେ କହିଛନ୍ତି ଯେ କଂଗ୍ରେସ ନୀତି ଆଦର୍ଶରେ ଅନୁପ୍ରାଣିତ ହୋଇ କଂଗ୍ରେସରେ ଯୋଗ ଦେଇଛୁ | କଂଗ୍ରେସରେ ଯୋଗ ଦେବା ପରେ ପଞ୍ଚାନନ ଦାସ କହିଛନ୍ତି ଯେ କଂଗ୍ରେସକୁ ଆସିବାର ଲକ୍ଷ୍ୟ ହେଉଛି ଗରିବ ଖଟିଖିଆଙ୍କ ପାଇଁ କାମ କରିବା  । ଅନ୍ୟପଟେ ବିଶ୍ୱନାଥ ଆଚାର୍ଯ୍ୟ କହିଛନ୍ତି ଯେ ସମାଜରେ କିଛି ପରିବର୍ତ୍ତନର ଆବଶ୍ୟକତା ରହିଛି, ଲୋକମାନଙ୍କ ଆଶା ମଧ୍ୟ ରହିଛି, ସେହି ଉଦ୍ଦେଶ୍ୟରେ ସେ କଂଗ୍ରେସ ଦଳରେ ସାମିଲ ହୋଇଛି  । ଅବସରପ୍ରାପ୍ତ ଓଏଏସ ଅଧିକାରୀ ରବୀନ୍ଦ୍ର ନାଥ ମିଶ୍ର କହିଛନ୍ତି ଯେ ବିଜେଡି ଦଳ ୱାନ ମ୍ୟାନ ଆର୍ମି, ପଲିଟିକାଲ ପାର୍ଟି ନୁହେଁ, ସେଥିପାଇଁ ମୁଁ କଂଗ୍ରେସରେ ମିଶିଲି ।  ଉଦ୍ଧବ କର କହିଛନ୍ତି ଯେ ତୃଣମୂଳ ସ୍ତରରୁ କାମ କଲେ କଂଗ୍ରେସ ଉଠିବ  ।  ଏହି ଅବସରରେ ପ୍ରଭାରୀ ଚେଲ୍ଲା କୁମାର, ପିସିସି ସଭାପତି ଶରତ ପଟ୍ଟନାୟକ, ପ୍ରଚାର କମିଟି ଅଧକ୍ଷ ବିଜୟ ପଟ୍ଟନାୟକ, ବିଧାୟକ ସନ୍ତୋଷ ସିଂ ସାଲୁଜା, ବିଧାୟକ ତାରାପ୍ରସାଦ ବାହିନୀପତି ପ୍ରମୁଖ ଉପସ୍ଥିତ ଥିଲେ  । ଏହି ଅବସରରେ ୧୦୦ ବିଧାନସଭା ଓ ୧୫ ସଂସଦୀୟ କ୍ଷେତ୍ରକୁ କଂଗ୍ରେସର ଟାର୍ଗେଟ୍‌ ଥିବା ସୂଚନା ଦେଇଛନ୍ତି ବରିଷ୍ଠ କଂଗ୍ରେସ ବିଧାୟକ ତାରା ବାହିନୀପତି । ଆଗୁଆ ୧୦୦ ଜଣଙ୍କୁ ଟିକେଟ ପାଇଁ କାର୍ଯ୍ୟକାରିଣୀରେ ବ୍ଲୁ ପ୍ରିଣ୍ଟ ହୋଇଥିବା ସେ କହିଛନ୍ତି ।