National

ଦେଶ ସ୍ବାର୍ଥ ଅପେକ୍ଷା ଦଳୀୟ ସ୍ବାର୍ଥକୁ ଗୁରୁତ୍ବ ଦେଉଛନ୍ତି ବିରୋଧୀ : ମୋଦି

ମଣିପୁର ହିଂସାକୁ ନେଇ ପ୍ରଧାନମନ୍ତ୍ରୀ କଂଗ୍ରେସ ଉପରେ ବର୍ଷିଛନ୍ତି ।  କେନ୍ଦ୍ରର ମୋଦୀ ସରକାରଙ୍କ ବିରୋଧରେ ଆଗତ ଅନାସ୍ଥା ପ୍ରସ୍ତାବ ଉପରେ ଲୋକସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିରୋଧୀଙ୍କ ଅଭିଯୋଗର ଜବାବ ରଖିଛନ୍ତି । ବିରୋଧୀ ଦଳଙ୍କୁ ସମାଲୋଚନା କରି ମୋଦୀ କହିଛନ୍ତି ଯେ ଏହି ଦଳ ଗୁଡ଼ିକ ସବୁବେଳେ ଦେଶ ସ୍ବାର୍ଥ ଅପେକ୍ଷା ଦଳୀୟ ସ୍ବାର୍ଥକୁ ଗୁରୁତ୍ବ ଦେଇଆସିଛନ୍ତି । ଭାରତୀୟ ସେନା ପ୍ରତି ଏମାନଙ୍କ ବିଶ୍ବାସ ନଥିଲା, ପାକିସ୍ତାନ ପ୍ରତି ଥିଲା । କରୋନାରେ ଭାରତୀୟ ଟିକା ନୁହେଁ, ବିଦେଶୀ ଟିକାକୁ ବିଶ୍ୱାସ କରୁଥିଲେ । କଂଗ୍ରେସ ପ୍ରତି ସାରା ଦେଶବାସୀଙ୍କର ଅନାସ୍ଥା ଭାବ ବହୁତ ଗଭୀର । ଆତ୍ମଗର୍ବ ପାଇଁ କଂଗ୍ରେସ ନିଜ ପାଦ ତଳର ମାଟି ବି ଦେଖିପାରୁନାହିଁ ବୋଲି କହିଛନ୍ତି ମୋଦି ।

ମୋଦୀ କହିଛନ୍ତି ଯେ ଏଥର ଅନାସ୍ଥା ପ୍ରସ୍ତାବ ଉପରେ ବିତର୍କ ବେଳେ ବିରୋଧୀ ଦଳ ନେତାଙ୍କୁ ଭଲଭାବରେ କହିବାର ସୁଯୋଗ ଦିଆଗଲା ନାହିଁ । ୨୮ ବର୍ଷ ହେଲା ଓଡ଼ିଶାବାସୀ କଂଗ୍ରେସକୁ ବିଶ୍ୱାସକୁ ନେଇନାହାନ୍ତି -ଓଡ଼ିଶାରେ କଂଗ୍ରେସକୁ ୨୮ ବର୍ଷ ହେଲା କହିଛନ୍ତି ‘ନୋ କନଫିଡେନ୍ସ’ -ଓଡ଼ିଶା ସହ ତାମିଲନାଡୁ, ପଶ୍ଚିମବଙ୍ଗ, ବିହାର ଉଦାହରଣ ବି ଦେଲେ -ଉତ୍ତରପ୍ରଦେଶ, ବିହାର, ତ୍ରିପୁରା, ନାଗାଲାଣ୍ଡ ଉଦାହରଣ ବି ଦେଲେ ।