ମୌଳିକ ଅଧିକାର ଛଡ଼ାଇ ନେଇଥିଲା ଧାରା ୩୫ଏ

ନୂଆଦିଲ୍ଲୀ: ଏକାଦଶ ଦିନ ପାଇଁ ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ମାମଲାର ଶୁଣାଣି ବେଳେ ସୁପ୍ରିମକୋର୍ଟର ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ କହିଛନ୍ତି ଜମ୍ମୁ କାଶ୍ମୀରରେ ପୂର୍ବରୁ ଲାଗୁ ହୋଇଥିବା ସମ୍ବିଧାନର ଧାରା ୩୫ଏ ଲୋକଙ୍କ ମୌଳିକ ଅଧିକାର ଛଡ଼ାଇ ନେଇଥିଲା। । ଧାରା ୩୫ଏ ରାଜ୍ୟର ‘ସ୍ଥାୟୀ ବାସିନ୍ଦା’ ସଂଜ୍ଞା ନିର୍ଦ୍ଧାରଣ କ୍ଷମତା ବିଧାନସଭାକୁ ପ୍ରଦାନ କରିଥିଲା। ଏହି ଧାରା ସ୍ଥାୟୀ ବାସିନ୍ଦାଙ୍କୁ ସ୍ବତନ୍ତ୍ର ଅଧିକାର ପ୍ରଦାନ କରିଥିବାବେଳେ ଅନ୍ୟମାନଙ୍କୁ ମୌଳିକ ଅଧିକାରରୁ ବଞ୍ଚିତ କରିଥିଲା। ସେଗୁଡ଼ିକ ହେଲା ରାଜ୍ୟର ନିଯୁକ୍ତିରେ ସମାନ ଅଧିକାର, ସଂପତ୍ତି ଅଧିଗ୍ରହଣ ଅଧିକାର ଏବଂ ଜମ୍ମୁ କାଶ୍ମୀରରେ ସ୍ଥାୟୀଭାବେ ବସବାସ କରିବାର ଅଧିକାର। ‘ଅସ୍ଥାୟୀ ବାସିନ୍ଦା’ମାନଙ୍କୁ ଏସବୁ ଅଧିକାର ବା ସୁବିଧା ସୁଯୋଗ ମିଳୁ ନଥିଲା।