ବିହାରରେ ନିର୍ବାଚନ: ଭୋଟର ଅଧିକାର ଯାତ୍ରା କରୁଛି କଂଗ୍ରେସ

ବିହାରରେ ନିର୍ବାଚନ ପାଖେଇ ଆସୁଛି ।  କଂଗ୍ରେସ ଦଳ ଭୋଟର ଅଧିକାର ରକ୍ଷା ପାଇଁ ‘ଭୋଟର ଅଧିକାର ଯାତ୍ରା’ ଆରମ୍ଭ କରିଛି । ରାହୁଲ ଗାନ୍ଧୀ ଏଥିରେ ସାମିଲ ହେବେ ।  ଯାହା ରୋହତାସ ଜିଲ୍ଲାର ସାସାରାମରୁ ଆଜି ଆରମ୍ଭ ହେଉଛି। ଏହି ୧୬ ଦିନିଆ ଯାତ୍ରାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଏବଂ ଆରଜେଡି ନେତା ତେଜସ୍ୱୀ ଯାଦବ ସମେତ ଇଣ୍ଡି ମେଣ୍ଟର ଶୀର୍ଷ ନେତାମାନେ ଅଂଶଗ୍ରହଣ କରୁଛନ୍ତି। ଏହାର ମୁଖ୍ୟ ଲକ୍ଷ୍ୟ ହେଉଛି  SIR କୁ ବିରୋଧ । ଭୋଟର ଲିଷ୍ଟରୁ ନାମ କଟିବାକୁ ବିରୋଧ କରୁଛନ୍ତି କଂଗ୍ରେସ, ଆରଜେଡି ।  ଭୋଟ ଚୋରିର ଅଭିଯୋଗକୁ ବିରୋଧ କରି ଏହାକୁ ଏକ ଜନ ଆନ୍ଦୋଳନରେ ପରିଣତ କରିବା କଂଗ୍ରେସର ଲକ୍ଷ୍ୟ । କଂଗ୍ରେସ ନିର୍ବାଚନ କମିଶନଙ୍କ ଉପରେ ଶାସକ ବିଜେପି ସହିତ ମିଳିମିଶି ଭୋଟର ତାଲିକାରେ ଅନିୟମିତତା କରୁଥିବା ଅଭିଯୋଗ କରିଛି। ଏହି ଯାତ୍ରା ଗରିବ, ଦଳିତ, ପଛୁଆ ବର୍ଗ, ଆଦିବାସୀ ଓ ସଂଖ୍ୟାଲଘୁ ସମ୍ପ୍ରଦାୟର ଅଧିକାର ରକ୍ଷା ପାଇଁ ଏକ ପ୍ରତିବାଦ ବୋଲି କଂଗ୍ରେସ ଦାବି କରିଛି। ଏହି ଯାତ୍ରା ସେପ୍ଟେମ୍ବର ୧୧ରେ ପାଟଣାର ଗାନ୍ଧୀ ମଇଦାନରେ  ଶେଷ ହେବ। ଗତ ଅଗଷ୍ଟ ୧୪ରେ ରାଜ୍ୟରେ ‘ଲୋକତନ୍ତ୍ର ବଚାଓ ମଶାଲ ରାଲି’ ମଧ୍ୟ ପାଳିତ ହୋଇଥିଲା।