୪୭ ବର୍ଷରେ ପାଦ ଥାପିଲେ ଅଭିନେତ୍ରୀ ପ୍ରୀତି ଜିଣ୍ଟା
ମେଟ୍ରୋ ଟିଭି ଓଡ଼ିଶା,୩୧/୧: ବଲିଉଡ୍ ଇଣ୍ଡଷ୍ଟ୍ରିର ଜଣେ ଜଣାଶୁଣା ଅଭିନେତ୍ରୀ ପ୍ରୀତି ଜିଣ୍ଟା । ଏକ ସମୟ ଥିଲା ଯେତେବେଳେ ପ୍ରୀତି ଜିଣ୍ଟା ଡିମ୍ପଲ ଗର୍ଲ ଲକ୍ଷ ଲକ୍ଷ ଲୋକଙ୍କୁ ତାଙ୍କ ଅଭିନୟ ଓ ସୁନ୍ଦର ହସରେ ମତୁଆଲା କରୁଥିଲେ । ଆଇପିଏଲ୍ ଟିମ୍ କିଙ୍ଗସ୍ ଏକାଦଶ ପଞ୍ଜାବର ମଧ୍ୟ ମାଲିକ ଅଟନ୍ତି। ଅଭିନେତ୍ରୀ ପ୍ରୀତି ଜିଣ୍ଟା ଆଜି ତାଙ୍କର ୪୭ ତମ ଜନ୍ମଦିନ ପାଳୁଛନ୍ତି । ପ୍ରୀତି ଜିଣ୍ଟା ୩୧ ଜାନୁୟାରୀ ୧୯୭୫ରେ ହିମାଚଳ ପ୍ରଦେଶର ଶିମଲା ସହରରେ ଜନ୍ମ ହୋଇଥିଲେ । ତାଙ୍କ ପିତାଙ୍କ ନାମ ଦୁର୍ଗାନନ୍ଦ ଜିଣ୍ଟା, ଯିଏ ଭାରତୀୟ ସେନାରେ ଜଣେ ଅଧିକାରୀ ଥିଲେ। ତାଙ୍କ ମାତାଙ୍କ ନାମ ନୀଲପ୍ରଭା ଯିଏ ଜଣେ ଗୃହିଣୀ । ଯେତେବେଳେ ପ୍ରୀତିଙ୍କୁ ୧୩ ବର୍ଷ ହୋଇଥିଲା, ସେତେବେଳେ ତାଙ୍କ ପିତା ଏକ କାର ଦୁର୍ଘଟଣାରେ ମୃତ୍ୟୁ ବରଣ କରିଥିଲେ । ଏହି ଦୁର୍ଘଟଣାରେ ତାଙ୍କ ମା ଗୁରୁତର ଆହତ ହୋଇଥିଲେ, ଯାହା ପରେ ସେ ଦୁଇ ବର୍ଷ ବେଡ୍ ରେଷ୍ଟରେ ରହିଥିଲେ। ଏହି ଦୁର୍ଘଟଣା ପରେ ପ୍ରୀତିଙ୍କ ଜୀବନ ସଂପୂର୍ଣ୍ଣ ରୂପେ ବଦଳି ଯାଇଥିଲା ।
କ୍ୟାରିୟରର ଆରମ୍ଭ ଦିନରୁ, ପ୍ରୀତି ମଡେଲିଂରେ ଭାଗ ନେଇଥିଲେ । ଥରେ ଜଣେ ବନ୍ଧୁଙ୍କ ଜନ୍ମଦିନ ପାର୍ଟୀରେ ସେ ଜଣେ ନିର୍ଦ୍ଦେଶକଙ୍କୁ ଭେଟିଥିଲେ ଯିଏ ତାଙ୍କୁ ବିଜ୍ଞାପନରେ କାମ କରିବାକୁ ପ୍ରସ୍ତାବ ଦେଇଥିଲେ । ଏହା ପରେ ପ୍ରୀତି ଅନେକ ଆଡ୍ର ସୁଟ୍ କରିଥିଲେ । ପ୍ରୀତି ଜିଣ୍ଟାଙ୍କ ଚଳଚ୍ଚିତ୍ର କ୍ୟାରିଅର୍ ଶେଖର କପୁରଙ୍କ ଫିଲ୍ମ ‘ତାର ରୁମ୍ ପମ୍’ ରୁ ଆରମ୍ଭ ହୋଇଥିଲା । ତାଙ୍କର ‘ଦିଲ୍ ସେ’ ଏବଂ ‘କଲ୍ ହୋ ନା ହୋ’ରେ ଅଭିନୟ ପାଇଁ ପ୍ରୀତି ଶ୍ରେଷ୍ଠ ଅଭିନେତ୍ରୀ ପାଇଁ ଫିଲ୍ମ ଫେୟାର ଆୱାର୍ଡ ପାଇଥିଲେ। ପ୍ରୀତି ଜିଣ୍ଟା ତାଙ୍କ ଫିଲ୍ମ କ୍ୟାରିୟରରେ ଅନେକ ହିଟ୍ ଫିଲ୍ମ ଦେଇଛନ୍ତି ଏବଂ ଅନେକ ଆୱାର୍ଡ ମଧ୍ୟ ଜିତିଛନ୍ତି।