ଚର୍ଚ୍ଚାରେ ନାନା ପାଟେକର

ୟୁପିର ବାରାଣସୀରେ ଫିଲ୍ମ ଅଭିନେତା ନାନା ପାଟେକର ଜଣେ ପ୍ରଶଂସକଙ୍କୁ ଚାପୁଡ଼ା କଷିଛନ୍ତି। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଅଭିନେତାଙ୍କ ସୁଟିଂ ବେଳର ଏହି ଦୃଶ୍ୟ ସାମ୍ନାକୁ ଆସିବା ପରେ ଲୋକମାନେ ବିଭିନ୍ନ ପ୍ରତିକ୍ରିୟା ଦେଉଛନ୍ତି। ସୁଟିଂ ସମୟରେ ନାନା ଏତେ ରାଗିଯାଇଥିଲେ ଯେ ତାଙ୍କର ଜଣେ ପ୍ରଶଂସକଙ୍କୁ ସେ ଭିଡ଼ ଭିତରେ ହିଁ ଚାପୁଡ଼ା ମାରିଥିଲେ। ଅଭିନେତାଙ୍କ ଆଚରଣ ଦେଖି ନେଟିଜେନ୍‌ମାନେ ଦୁଃଖ ପ୍ରକାଶ କରୁଛନ୍ତି।ଭାଇରାଲ ଭିଡିଓଟି ଏକ ସୁଟିଂ ସେଟ୍‌ର। ଏଥିରେ ଦେଖାଯାଉଛି, ନାନା ପାଟେକର ଏକ ସିନ୍‌ର ସୁଟିଂ ପାଇଁ ଛିଡ଼ା ହୋଇଛନ୍ତି। ଠିକ୍ ସେତିକିବେଳେ ଜଣେ ପ୍ରଶଂସକ ନାନାଙ୍କ ନିକଟକୁ ଆସି ସେଲ୍ଫି ନେବାକୁ ଚେଷ୍ଟା କରୁଛନ୍ତି।